«7 օրը» հյուրընկալել է քաղաքական գործիչ Կարապետ Ռուբինյանին։ Դերենիկ Մալխասյանի հետ նրա զրույցն առնչվում է ներքաղաքական զարգացումներին և մասնավորապես՝ գալիք նախագահական ընտրություններին։ Ռուբինյանը հոռետես է Սերժ Սարգսյանի վերարտադրությունը կանխելու հարցում։ Ըստ նրա՝ ընդդիմադիր դաշտը չունի այն պոտենցիալը, որ կարողանա խոչընդոտել գործող նախագահի հետագա պաշտոնավարմանը և իշխանափոխության համար պետք է նոր ուժ։

«7 օրի» տաղավարում այսօր հյուրընկալվել է լրագրող, մեդիափորձագետ Մեսրոպ Հարությունյանը։ Դերենիկ Մալխասյանը նրա հետ զրուցել է լրատվական դաշտում տիրող իրավիճակի, լրատվամիջոցների իրավունքների պաշտպանության և ընտրական գործընթացների ժամանակ ԶԼՄ–ների կողմից իրականացվող քարոզչական տեխնոլոգիաների մասին։

Քաղաքական գիտությունների դոկտոր Լևոն Շիրինյանն իր տեսակետներն է ներկայացրել գալիք նախագահական ընտրությունների, այդ ընտրություններում Լևոն Տեր–Պետրոսյանի, Ռոբերտ Քոչարյանի, Սերժ Սարգսյանի մասնակցության ձևի և սպասվող զարգացումների վերաբերյալ։

Դերենիկ Մալխասյանն այսօր զրուցել է ՀԱԿ իրավական ծառայության ներկայացուցիչ Արմեն Խաչատրյանի հետ։ Թեման՝ ՀԱԿ երիտասարդների հանդեպ իրականացվող դատական հետապնդման պատճառների վերլուծությունն է, ինչպես նաև դատարանների ու դատախազության գործունեությունը։

«7 օրի» տաղավարում Դերենիկ Մալխասյանը հյուրընկալել է կինոռեժիսոր, «Սարդարապատ» շարժման նախաձեռնող խմբի անդամ Տիգրան Խզմալյանին։ Կինոռեժիսորն անդրադարձել է ներհայաստանյան խնդիրներին, փոփոխությունների հեղափոխական ու ոչ հեղափոխական մեթոդներին։