Հնդկաստանի հյուսիսում՝ Ուտար–Պրադեշ նահանգում տեղի ունեցած ավտովթարի հետևանքով զոհվել է առնվազն 16 մարդ, 24–ը տարբեր աստիճանի վնասվածքներ և այրվածքներ է ստացել։

Համաձայն ՊԲ օպերատիվ տվյալների, անցած շաբաթվա ընթացքում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 300 անգամ, որի ընթացքում, տարբեր տրամաչափի հրաձգային զինատեսակներից, հայկական դիրքապահների ուղղությամբ արձակվել է ավելի քան 1600 կրակոց:

Ուսանողները բարելավեցին իրենց գիտելիքները ՄԱԿ-ի արժեքների, բանակցային և հաղորդակցության հմտությունների, ինչպես նաև ՄԱԿ-ի կառույցների գործունեության վերաբերյալ ՄԱԿ-ի մոդել խորհրդաժողովի ՄԱԿ-ի Անվտանգության խորհրդի դերախաղի ժամանակ, որտեղ քննարկում էին Իրանի միջուկային ծրագիրը: Խորհրդաժողովը տեղի ունեցավ այսօր Սլավոնական համալսարանում:

Հունաստանի նախագահ Կառոլոս Պապուլիասը, ինչպես և սպասվում էր, ցրել է խորհրդարանը և նոր խորհրդարանական ընտրություններ հայտարարել հունիսի 17–ին։

Մայիսի 16-ին և 17-ին Շեքսպիրի Գլոբուս թատրոնում Համաշխարհային Շեքսպիրյան փառատոնին մասնակցելու նպատակով Լոնդոն ժամանած Երևանի Գաբրիել Սունդուկյանի անվան պետական ակադեմիական թատրոնը հաջողությամբ հանդես եկավ Գլոբուսի բեմում` պատմության մեջ առաջին անգամ ներկայացնելով Շեքպիրի «Ջոն Արքա» պիեսը:

Սիրիայի արևելքում գտնվող Դեյր էզ–Զոր քաղաքում Սիրիայի ռազմական հետախուզության շենքի մոտ, պայթել է ականապատ մեքենա։

«Եթե շաքարավազի 99 տոկոսը ներկրում է մեկ մարդ, ապա ամեն ինչ հասկանալի է։ Նույն վիճակն է նաև կարագի շուկայում։ Կան խորքային, մեթոդաբանական պատճառներ, և կան գնաճի կոնյուկտուրային պատճառներ։ Տվյալ դեպքում մեր փորձը ցույց է տալիս, որ նախընտրական շրջանում դանդաղում կամ կանգնում է գների աճը, և հետընտրական շրջանում նոր ալիք է սկսվում»։

Այսօր հրավիրված ասուլիսում «Ժառանգություն» խմբակցության նախկին անդամ Լարիսա Ալավերդյանն ափսոսանք է հայտնել խորհրդարանում «Ժառանգության» թիմի՝ նոր գործիչներով փոխարինվելու կապակցությամբ։

Մայիսի 18-ին՝ ժամը 19.20-ին, հիվանդանոցից ոստիկանության Իջևանի բաժնում հաղորդում է ստացվել, որ մարմնական վնասվածքներով իրենց մոտ բուժօգնության են տեղափոխվել Աչաջուր գյուղի երեք բնակիչներ՝ հայտնելով, որ վնասվածքներն ստացել են իրենց տան բակում վայր ընկնելու հետևանքով:

Ինքը՝ Հովհաննես Հովհաննիսյանը, մեծամասնական ընտրակարգով առաջադրվել է թիվ 5 ընտրատարածքում և այդպես էլ չի մասնակցել սեփական քարոզարշավին. ընդամենը 1-2 անգամ է այցելել սեփական նախընտրական շտաբ, իսկ քարոզարշավի օրերին Կոնգրեսի Դավիթաշենի տարածքային կառույցի անդամները փնտրում և այդպես էլ չէին գտնում Հովհաննիսյանին:

Մայիսի 25-ին «Գրանդ սպորտ» մարզահամալիրում, արհեստական պատի վրա, Ալպինիզմի եւ լեռնային տուրիզմի հայկական ասոցիացիան (ԱԼՏՀՖ) կանցկացնի Հայաստանի դահլիճային ժայռամագլցման առաջին փակ առաջնությունը:

Բուլղարիայում պաշտոնական այցով գտնվող Թուրքիայի վարչապետ Ռեջեփ Թայիբ Էրդողանը հերթական անգամ անդրադարձել է Սիրիայի թեմային՝ քննադատաելով երկրի նախագահ Բաշար Ասադին:

Այսօր առավոտյան Իտալիայի հարավային Ապուլիա շրջանի Բրինդիզի քաղաքում՝ լիցեյի մոտ, պայթյուն է որոտացել։ Վերջին տվյալներով՝ զոհվել է լիցեյի աշակերտուհիներից մեկը, 7 մարդ վիրավոր է, 2–ի վիճակը ծանր է։

Ռիգայի խորհրդարան է ներկայացվել մայիսի 24–ին նախատեսվելիք միջոցառման հայտը, որի շրջանակներում պետք է քարոզվեն տղամարդու և կնոջ միջև սեռական հարաբերությունները։

Գերմանիայի կանցլեր Անգելա Մերկելը Հունաստանի նախագահ Կառոլոս Պապուլիասի հետ հեռախոսազրույցում առաջարկել է Հունաստանում հանրաքվե անցկացնել և վերանայել Հունաստանի անդամակցությունը Եվրագոտուն։ Հանրաքվեն առաջարկվել է անցկացնել նոր խորհրդարանական ընտրությունների հետ միաժամանակ՝ հունիսի 17–ին։ Այս մասին հայտնել է Հունաստանի կառավարության ներկայացուցիչ Դիմիտրիս Ցիոդրասը։

2011 թվականի դեկտեմբերի 8-ին ՀՀ Ազգային ժողովի կողմից ընդունվել է «Ճանապարհային երթևեկության անվտանգության ապահովման մասին Հայաստանի Հանրապետության օրենքում փոփոխություններ կատարելու մասին» ՀՀ օրենքը, համաձայն որի՝ գործողության ժամկետի նշում չունեցող վարորդական վկայականների գործողության ժամկետը երկարացվել է 6 ամսով` մինչև 2012 թվականի հունիսի 30-ը:

ԿԸՀ-ն ՀՀ 5-րդ գումարման Ազգային ժողովի առաջին նիստը նշանակել է մայիսի 31-ին՝ ժամը 10:00-ին։ Մինչ այդ տեղի կունենա ԱԺ պատգամավորներին մանդատներ հանձնելու արարողությունը։ 2012թ. մայիսի 6–ին կայացած ընտրությունների արդյունքում խորհրդարան են անցել 5 կուսակցություն և 1 դաշինք։ Նոր գումարման խորհրդարանի առաջին նիստը, ավանդույթի համաձայն, կբացի ամենատարեց պատգամավորը՝ տվյալ դեպքում թիվ 14 ընտրատարածքից մեծամասնական ընտրակարգով ընտրված, 62-ամյա Վրեժ Մարկոսյանը։

Ինչպես արդեն տեղեկացրել էինք, երեկ աշխարհը նշում էր Թանգարանների միջազգային օրը։