ՀԱԿ համակարգող. «Մենք կարող ենք օգնել, և այդ դերը մենք պատրաստ ենք ստանձնել, որ այդ սոցիալական բողոքների պահանջներն իրականացվեն երկխոսության միջոցով, քաղաքական դիալոգի, եթե իշխանություններն ընտրե՛ն այդ տարբերակը։ Եթե ո՛չ, այդտեղ մենք արդեն ոչինչ չենք կարող անել։ Լ. Զուրաբյանը ասել է, թե իրենք կարող են երկխոսություն ունենալ, եթե ունենան հիմնավորված տրամաբանող հակառակորդ։ «Բայց ամեն ինչ մեզանից չի կախված։ Տանգոն պարում են երկուսով։ Չի կարող մեկը պարել տանգո, եթե մյուսը հրաժարվում է դա անել»։

Բացօթյա առևտրով զբաղվող քաղաքացիները կրին ներկայացրել են իրենց պահանջները. «Չկիրառե՛լ այս հակաժողովրդական օրենքը և թույլատրել մեզ շարունակել վաստակել մեր ընտանիքի օրվա ապրուստը։ Իշխանություններին ահազանգում ենք, որ բացօթյա առևտուրն արգելելու հետևանքով առաջացած ճգնաժամը կհանգեցնի արտագաղթի մի նոր ալիքի, և պետության ներսում է՛լ ավելի կսրի սոցիալական լարվածությունը»։

Այսօր՝ ժամը 12–ին, բացօթյա առևտրով զբաղվող քաղաքացիները հերթական անգամ բողոքի գործողություն են իրականացնելու ։ Հիշեցնենք՝ տեսնելով, որ Երևանի քաղաքապետարանն իրենց բողոքներին որևէ կերպ չի արձագանքում, բացօթյա առևտրով զբաղվող քաղաքացիները որոշել էին ավելի կանոնակարգված պայքար տանել և ստորագրահավաք էին սկսել։ Բացօթյա առևտրով զբաղվող անձինք պահանջում են. «Չկիրառե՛լ այս հակաժողովրդական օրենքը և թույլատրել մեզ շարունակել վաստակել մեր ընտանիքի օրվա ապրուստը...»։