Գյումրիի գարեջրի գործարանի մուտքի դիմաց դանակահարության դեպքի վերաբերյալ ԱԺ փոխնախագահ Սամվել Բալասանյանի որդի՝ Միսակ Բալասանյանի գրասենյակից հայտնում են. <br>1. Բալասանյան ընտանիքի որևէ անդամ թիկնապահներ չի ունեցել:<br>2. Վեճը տեղի է ունեցել ոչ թե գործարանի տարածքում, այլ` գործարանի տարածքից դուրս:<br>3. Վեճը տեղի է ունեցել ոչ թե գործարանի աշխատակիցների հետ, այլ` կողմնակի անձանց հետ, որոնց ինքնությունը պարզվում է:

Այսօր Սանկտ Պետերբուրգում հանդիպում են ունեցել Հայաստանի ու Ռուսաստանի նախագահներ Սերժ Սարգսյանն ու Դմիտրի Մեդվեդևը։ Նախագահները նախընտրել են բանակցություններից առաջ հայտարարություններով հանդես չգալ լրագրողների առջև։ –Կարևորն այն չէ, թե մենք ինչ կասենք, այլ այն, թե ինչ ենք անում,–ասել է Մեդվեդևը։ Հիշեցնենք` ակնկալվում էր, որ երկու երկրների նախագահները քննարկելու են Հայաստանին մատակարարվող գազի նոր սակագնի և Լեռնային Ղարաբաղի հարցերը։