Արցախի հանրապետության նախագահ Բակո Սահակյանը մարտի 27-ին այցելել է մայրաքաղաքում կառուցվող նոր հյուրանոցային համալիր և տեղում ծանոթացել իրականացվող աշխատանքներին:

ոչ պաշտոնական տեղեկությունների համաձայն Լիբիայի ապստամբներին հաջողվել է գրավել գեներալ Մուամար Քադաֆիի հայրենի քաղաք Սիրտը

Ինչպես փոխանցում են թուրքական լրատվամիջոցները, Թուրքիայի վարչապետ Ռեջեփ Թայիփ Էրդողանը մտադիր էր կառավարության ներկայացուցիչների հետ միասին ինքնաթիռով մեկնել Կահրամանմարաշ։

Այսօր առավոտյան Ճապոնիայի հյուսիս-արևելքում 6.5 մագնիտուդ ուժգնությամբ երկրաշարժ է տեղի ունեցել: Զոհերի և ավերածությունների մասին դեռևս տեղեկություն չկա: Երկրաշարժի էպիկենտրոնը գտնվել է Խաղաղ օվկիանոսում։ Ճապոնիայի իշխանությունները հայտարարել են 50 մետր բարձրությամբ ցունամիի վտանգի մասին, սակայն հետո չեղյալ են հայտարարել այն:

Օրհան Փամուքին Թուրքիայում սկսել են քրեորեն հետապնդել 2005թ.–ից, այն արտահայտության համար, որ թուրքերը 1 միլիոն հայ և 30 հազար քուրդ են սպանել: «Թուրքիայում որևէ մեկը չի համարձակվում խոսել այդ մասին, բացի ինձանից»,-հայտարարել էր Փամուքը...

Հյուսիսատլանտյան դաշինքի գլխավոր քարտուղար Անդերս Ֆոգ Ռասմուսենը հայտարարել է, որ ՆԱՏՕ–ն ստանձնում է Լիբիայում ռազմական գործողությունների հրամանատարությունը։

Հավելենք, որ խորհրդաժողովը լուսաբանում էին ոչ միայն տեղի հայկական, այլև ֆրանսիական լրատվամիջոցները:

«Մենք իրավունք չունենք այս և նման այլ թյուր երևույթներով վտանգելու երիտասարդ սերնդին, ում ձեռքերում գտնվում է մի ամբողջ երկրի ապագա: Սա Ազգային Անվտանգության առաջնահերթ խնդիրներից է»:

Նշելու համար «Երկրի ժամը»` ՄԱԿ-ի հայաստանյան գրասենյակը կոչ էր արել Հայաստանի բնակիչներին միանալ երկրագնդի բնակչությանը և մեկ ժամով անջատել լույսերը:

ՊԲ-ը ուշադրություն է հրավիրում հատկապես այն հանգամանքի վրա, որ բացի այլ հրաձգային զինատեսակներից, մարտի 24-ին և 25-ին ադրբեջանական ուժերը Մարտունու պաշտպանական ուղղությամբ կիրառել են նաև «ԱԳՍ» տիպի նռնականետեր` արձակելով ավելի քան 10 արկ:

Նախագահ Սերժ Սարգսյանը, Իրանի Իսլամական Հանրապետության նախագահ Մահմուդ Ահմադինեժադի հրավերով, այսօր աշխատանքային այցով ժամանել է Թեհրան:

Արդեն տասերկու օր է Ազատության հրապարակում` արտահերթ նախագահական ու խորհրդարանական ընտրությունների պահանջով, հետևողականորեն, հացադուլ հայտարարելու ծայրահեղ միջոցով իր բողոքն է արտահայտնում «Ժառանգություն» կուսակցության վարչության նախագահ, ԱԺ պատգամավոր Րաֆֆի Հովհաննիսյանը:

«Եվրո-2012» առաջնության ընտրական մրցաշարի շրջանակներում 0:0 հաշվով ավարտվեց Հայաստանի և Ռուսաստանի ֆուտբոլի ազգային հավաքականների հանդիպումը: Խաղն ընթացավ հավասար պայքարում։ Կողմերն աչքի ընկան փոփոխական առավելությամբ:

«Եվրո-2012» առաջնության ընտրական մրցաշարի շրջանակներում 0:0 հաշվով ավարտվել է Հայաստան-Ռուսաստան ֆուտբոլային հանդիպման առաջին խաղակեսը: Չնայած մեր ընտրանու բավականին ակտիվ մեկնարկին, առաջին խաղակեսն անցավ Ռուսաստանի հավաքականի ակնհայտ առավելությամբ:

Այսօր «Քաղաքացիական ազգային նախաձեռնություն» հասարակական կազմակերպության մեծ դահլիճում տեղի ունեցավ Րաֆֆի Հովհաննիսյանի կողմից` հացադուլի միջոցով հնչեցված SOS-ին արձագանքած, նրան իրենց զորակցությունը հայտնած եւ երկրում ստեղծված արտակարգ իրավիճակի շուրջ նրա մտահոգությունները կիսող քաղաքական եւ հասարակական ուժերի ներկայացուցիչների խորհրդակցություն: Խորհրդակցությունը տեւեց շուրջ երեք ժամ. վերջում պայմանավորվածություն ձեռքբերվեց շարունակել նման հանդիպումները:

Հանրային ռադիոյի լրատվության բաժնի ղեկավար Կարեն Բեքարյանը կնշանակվի ավելի բարձր պաշտոնում։ Նա նշանակվելու է ՀՀ նախագահի հանրային կապերի և տեղեկատվական կենտրոնի նոր ձևավորված արտաքին բաժնի պատասխանատու։ Կենտրոնը, որի ղեկավարն Արիկ Սաղաթելյանն է, կունենա նաև ներքին և տնտեսական բաժիններ։

ԱՄՆ–ը Լիբիայում ցամաքային ռազմական գործողություններ չի իրականացնելու։ Ժողովրդին ուղղված ամենշաբաթյա ինտերնետային և ռադիոուղերձի ժամանակ այս մասին հայտնել է ԱՄՆ նախագահ Բարաք Օբաման։

Իսրայելի տարածքի վրա մի քանի հրթիռ է արձակվել Գազայի հատվածից։ Դրանցից մեկը վնասել է Իսրայելի և Գազայի սահմանում գտնվող մի տուն։ Ինչպես հաղորդում է «BBC»–ն, ռմբակոծությունից ոչ ոք չի զոհվել։