Լևոն Տեր–Պետրոսյանի այս քաղաքական պայքարի ծրագիրն ու մոտեցումները բարդ է կանխագուշակել։ Ինքը մեր առաջնորդն է, մենք իրեն վստահում ենք, ինքն է մշակում քայլերը, մենք էլ, այսպես ասած, զինվորի պես կատարողներ ենք։ Կարծում եմ, որ ինքը շատը էվոլուցիոն ճանապարհով է գնում։ Միակ խնդիրը, մտավախությունը որ ունեմ, այն է, որ սա շատ երկար չտևի

Մարտի 17-ին ՄԱԿ–ի Անվտանգության խորհուրդը, ձայների մեծամասնությամբ, ընդունեց Լիբանանի, ԱՄՆ–ի, Ֆրանսիայի, Մեծ Բրիտանիայի պատվիրակությունների կողմից ներկայացված Լիբիայի վերաբերյալ բանաձև։ Բանաձևի նախագծին կողմ են քվեարկել ՄԱԿ–ի ԱԽ 15 անդամ երկրներից 10–ը՝ Ռուսաստանը, Բրազիլիան, Չինաստանը, Գերմանիան և Հնդկաստանը ձեռնպահ են մնացել քվեարկությունից։

Այսօր 10։30 րոպեին կառավարության շենքի մոտ բողոքի գործողություն են իրականացնելու Հայաստանի կենսաթոշակային ֆոնդի թոշակների վճարման ծառայության համակարգի նախկին աշխատակիցները։

ԵԱՀԿ Մինսկի խմբի համնախագահները հայտարարությամբ ղարաբաղյան հակամրտության կողմերին կոչ են արել օգտագործել դրական ազդակը, որը գործընթացին տվել է Հայաստանի, Ռուսաստանի և Ադրբեջանի նախագահների հանդիպումը Սոչիում։

Մեկնաբանելով այն փաստը, որ ՀԱԿ առաջնորդները չեն մոտեցել Րաֆֆի Հովհաննիսյանին՝ Ստեփան Սաֆարյանն ասել է, թե բարևն Աստծունն է։ –Երբևէ նախագահի հավակնություններ ցացաբերած մարդը, կարծում եմ, պետք է գիտակցեր թույլատրելի և անթույլատրելի բոլոր սահմանները, բայց գուցե դա է եղել իր որոշումը։

Այսօր (18.03.2011), ժամը 13:00, ՀՀ Կառավարության շենքի դիմաց կկայանա բողոքի ակցիա ՀՀ Կառավարության միգրացիոն քաղաքականության դեմ:

«Այն, որ ադրբեջանական բանակի կողմից ձեռնարկված հերթական նախահարձակ գործողությունն իրականացվել է տեղի ունեցած գերիների փոխանակումից ընդամենը մեկ ժամ հետո և, գրեթե նույն պաշտպանական հատվածի դիրքերից մեկում, խոսում է այն մասին, որ ադրբեջանական կողմը միտումնավոր կերպով փորձում է շրջանցել հակամարտության խաղաղ կարգավորմանն ուղղված ցանկացած առաքելություն»:

«Ամբերի» միջազգային մրցաշարի 5-րդ տուրում Լևոն Արոնյանը հերթական հաղթանակն է տոնել: Հայ գրոսմայստերը 2:0 հաշվով առավելության է հասել ադրբեջանցի Վուղար Հաշիմովի նկատմամբ: Մինչ այս Արոնյանի հետ աղյուսակը գլխավորող Մագնուս Կառլսենը 0:2 հաշվով զիջել է Վասիլի Իվանչուկին: Արոնյանը դարձավ միանձնյա առաջատար:

ՀՀ ճանապարհային ոստիկանությունը հայտարարել է բաց ընթացակարգով գնում՝ "Պետության կարիքների համար երթևեկության կանոնների պահպանման նկատմամբ վերահսկողության համակարգերի ձեռքբերման և այդ համակարգերի շահագործման, սպասարկման և վերանորոգման ծառայությունների գնման" պայմանագիր կնքելու համար:Բաց գնման ընթացակարգում հաղթող ճանաչված մասնակցին սահմանված կարգով կառաջարկվի կնքել պայմանագիր ՀՀ ոստիկանության «Ճանապարհային ոստիկանություն» ծառայության հետ:Մրցույթի պայմանները զետեղված են www.gnumner.am ինտերնետային կայքում:

«Ես գիտեմ, որ ձեզնից շատերը ինձ «պապի» են ասում, և դա ինձ համար ամենամեծ պատիվն է։ Ես թողնում եմ հանրահավաքային հռետորաբանությունը և ձեզ եմ դիմում որպես պապի։ 2008թ. մարտյան դեպքերից հետո սա ժողովրդի առաջին լիաթոք ցնծությունն է։ Մաղթում եմ ձեզ մշտական ցնծություն»։

Քիչ առաջ Ազատության հրապարակում մեկնարկած հանրահավաքում հայտարարվել է, որ ազատ է արձակվել քաղբանտարկյալ Ռոման Մնացականյանը։

Ազատության հրապարակում սկսվել է հանրահավաքը։ ՀԱԿ համակարգող Լևոն Զուրաբյանն ասել է,թե Ազատության հրապարակում հավաքվելը ցույց է տալիս, «որ երբ ժողովուրդը իր ձեռքն է վերցնում իր բախտը, հաղթում է»:

Այս պահին ՀԱԿ առաջնորդները, այդ թվում՝ Լևոն Տեր-Պետրոսյանը, երաժշտության ուղեկցության տակ պարում են Ազատության հրապարակի բեմի վրա։ Հավաքված մարդկանց բազնությունը սպասում է հանրահավաքի կազմակերպիչների ելույթներին։

։ Ցուցարարները մոտեցել են այնտեղ արդեն երրորդ օրը հացադուլ իրականացնող Րաֆֆի Հովհաննիսյանին։ Րաֆֆի Հովհաննիսյանն էլ ասել է, թե Ազատության հրապարակ մուտք գործելը հաղթանակ է համրում։ Նա նշել է, թե սահմանադրական կարգը վերկանգնվել է։

Այս պահին ցուցարարները հանգիստ կանգնած են Ազատության հրապարակում։ «7օր»–ի թղթակիցը հայտնում է, որ ՀԱԿ համակարգող Լևոն Զուրաբյանը հայտարարել է՝ իրենք սպասում են, որ տեխնիկան բերեն Ազատության հրապարակ, որպեսզի այնտեղ կարողանան շարունակել հանրահավաքը։

ՀԱԿ համակարգող Լևոն Զուրաբյանն ասել է, թե ոստիկանների հետ բանակցելով՝ պայմանավորվածություն է ձեռք բերվել, որ ցուցարարները հանգիստ ու խաղաղ մտնեն Ազատության հրապարակ։

Այս պահին ՀԱԿ ղեկավարներն ու հանրահավաքի մասնակցիները փակել են փողոցն ու կանգնեցրել երթևեկությունը։ Երթուղայինները ստիպված շրջվել և ետ են գնացել։