ՌԴ նախագահ Դմիտրի Մեդվեդևի հրավերով ՀՀ նախագահ Սերժ Սարգսյանը պետական այցով այսօր մեկնել է ՌԴ: Նա մասնակցել է Հայ Առաքելական նորակառույց եկեղեցու գմբեթի խաչերի օրհնության և օծման արարողություններին: Վաղը նախատեսված է ՀՀ և ՌԴ նախագահների հանդիպումը և մի շարք փաստաթղթերի ստորագրում։

Թուրքական լրատվամիջոցների փոխանցմամբ՝ Վանում այսօր տեղի ունեցած 7,2 բալ ուժգնությամբ երկրաշարժի զոհերի թիվը տատանվում է 500-ից 1000։ Թուրքիայի փոխվարչապետ Բեշիր Ալթայը տեղեկացրել է, որ Վանում ավելի քան 10 տուն է ավերվել, 25-30 շենք էլ փլուզվել է Էրջիշում:

Ռուսաստանի Դաշնության նախագահ Դմիտրի Մեդվեդևի հրավերով Սերժ Սարգսյանն այսօր պետական այցով ժամանել է Մոսկվա:

ՀՀ արտակարգ իրավիճակների նախարարությունից տարածվել է հետևյալ հաղորդագրությունը

ՀՀ արտակարգ իրավիճակների նախարարության կայքը, հղում կատարելով ԱՄՆ Երկրաբանական ծառայությանը (USGS), տեղեկացնում է, որ տեղի է ունեցել M 7.3 ուժգնությամբ երկրաշարժ: Էպիկենտրոնը գտնվում է Արևելյան Թուրքիայում, Վան քաղաքի մոտակայքում 7.20 կմ խորության վրա:

Քիչ առաջ երկրաշարժ է տեղի ունեցել Հայաստանում։ Առայժմ հայտնի չէ, թե որտեղ է էպիկենտրոնը, սակայ Երևանում այն ուժեղ զգացնել է տվել։

Բակո Սահակյանն ընդգծել է, որ Ադրբեջանը չի դադարում հակահայկական և հակաղարաբաղյան քարոզչությունը, կոպտորեն խախտում զինադադարի ռեժիմը և շարունակում ռազմականացման գործընթացը, ինչը լուրջ խոչընդոտ է հանդիսանում հակամարտության կարգավորման, տարածաշրջանային և միջազգային անվտանգության պահպանման համար: Երկրի ղեկավարը նշել է, որ Ադրբեջանին կառուցողական դաշտ բերելը հանդիսանում է հակամարտության կարգավորման ամենակարևոր խնդիրներից մեկը:

Հոկտեմբերի 21-ին, ժամը 15.30-ին, «Տոյոտա Պրադո» մակնիշի ավտոմեքենայի վարորդը Տիգրան Մեծի պողոտայում վրաերթի է ենթարկել 15-ամյա մի աղջկա և նույն ավտոմեքենայով նրա տեղափոխել հիվանդանոց: Կատարվում է քննություն:

Խորհուրդն աջակցելու է հոգածության կարիք ունեցող արվեստագետներին, մասնավորապես երիտասարդներին: ՀՀ մշակույթի նախարարությունը վատ է աշխատում, լրջագույն ծրագրեր չեն ֆինանսավորվում, և խորհուրդը լրացնելու է այդ բացը

Լիբիայի նախկին առաջնորդ Մուամար Քադաֆիի արյունոտ մարմինը Միսրաթ քաղաքում հրապարակային ցուցադրման է հանվել առևտրի կենտրոնի սառնարանում։ Մարմինը հսկելու համար կանգնեցված մարդիկ չեն կարողացել դիմանալ բնակիչների ճնշմանը և ստիպված են եղել Քադաֆիի դին տեսնելու համար ժամեր սահմանել։ Հերթում կանգնածները գոռում են «Մենք ուզում ենք տեսնել այդ շանը», իսկ այցելուները մեծ բավարարվածությամբ լուսանկարվում են Քադաֆիի մարմնի մոտ։

Եթե արևմտյան երկրները թեկուզ մեկ օր դադարեցնեն նյութական և բարոյական օգնություն ցույց տալ Քրդական բանվորական կուսակցությանը, ապա նրանից ոչ մի հետք չէր մնա։

Հոկտեմբերի 21-ին, ժամը 15.20-ին, հիվանդանոցից ոստիկանության Կենտրոնականի բաժնում հաղորդում է ստացվել, որ «քիմիական այրվածքներ» ախտորոշմամբ իրենց մոտ բուժօգնության են տեղափոխվել դպրոցներից մեկի երկու աշակերտ և քոլեջի մեկ ուսանող:

Նախագահ Սերժ Սարգսյանն այսօր հրամանագիր է ստորագրել Աշոտ Հովակիմյանին Հայաստանի Հանրապե­տության ար­տա­քին գործերի նախարարի տեղակալ նշանակելու մասին:

Շոտլանդիայի ազգային կուսակցությունը հայտարարել է, որ իրենց հիմնական նպատակներից մեկը 10 տարվա ընթացքում անկախություն ձեռք բերելն է։ Շոտլանդիայում իշխանությունը գտնվում է հենց Ազգային կուսակցության ձեռքում։

-Ամերիկայի Միացյալ Նահանգները պետք է դուրս բերեր իր զորքերը Իրաքից դեռ մի քանի տարի առաջ։ Դա թույլ կտար խուսափել խաղաղ բնակչության ու ամերիկյան զինվորների շատ զոհերից:

Լիբիայի նախկին առաջնորդ Մուամար Քադաֆիի արտերկրի բանկային հաշիվները, ինչպես նաև ոսկե պահուստների և ներդրումների ակտիվները կազմում են ավելի քան 200 մլր դոլար, ինչը երկու անգամ ավելի է Լիբիայի նախապատերազմյան տարեկան արտադրության ծավալի ցուցանիշից։

Պղնձի, երկաթի և նիկելի արդյունահանմամբ զբաղվող տասնյակ հանքեր վտանգում են դարեր շարունակ կանգուն մնացած պատը: Որոշ հանքեր գտնվում են պատից մոտ 100 մ հեռավորության վրա, բայց քանի որ հանքերի մեծ մասն օրինական է, պատի պաշտպանությամբ հանդես եկող ակտիվիստները ոչինչ չեն կարող անել:

«Մշակութային գործիչը որոշակի պարտավորություններ ունի հանրության հանդեպ, իսկ քաղաքական նկատառումներով նրա առջև դուրս գալը (որը սովորաբար տեղի է ունենում նախընտրական շրջանում) ուղղակի գցում է մտավորականի վարկը։ Քանի որ ես մերժել եմ, ուղղակի կասեմ, որ այդպիսի առաջարկություններ եղել են և՛ իշխանության, և՛ ընդդիմության կողմից։ Անկախ իմ համոզմունքներից՝ ես համարել եմ, որ իրավունք չունեմ խառնվել, մասնակցել նման բաների»։