Արցախի ՊԲ. «Վերջին շրջանում Ադրբեջանի զինված ուժերի կողմից շփման գծի ողջ երկարությամբ ծավալած նախահարձակ գործողությունները, որոնք հիմնականում իրականացվում են դիպուկահար զինատեսակներից, մեկ անգամ ևս փաստում են այն իրողությունը, որ պաշտոնական Բաքուն ոչ միայն չի կատարում միջազգային տարբեր մակարդակներում տեղի ունեցած բանակցություններում ձեռք բերված հրադադարի ռեժիմի պահպանման պահանջները, այլև առավել լկտի ու սանձարձակ բնույթ է հաղորդել իր ագրեսիվ ձեռնարկումներին»:

Հայաստանի Հանրապետությունում ս.թ. ապրիլի 29-ի դրությամբ ՀՀ ֆինանսների նախարարության կողմից տրված որակավորման վկայական ունի թվով 182 աուդիտոր:

Ռուսաստանում հունիսի 1–ից կբարձրանան ավիատոմսերի գները, քանի որ ռուսական մի շարք փոխադրող ընկերություններ կսկսեն վառելիք կուտակել:

Հովիկ Աբրահամյանը Սասուն Միքայելյանին ազատելու համար դիմել է Սերժ Սարգսյանին:

Ինչպես հաղորդում է «ՌԻԱ նովոստի»–ն՝ Մուամար Քադաֆիի ուժերը մեծամածավալ հարձակում են սկսել «Դեհիբատ» հսկիչ անցագրային կետի վրա։ Հինգշաբթի օրվա երկրորդ կեսին լիբիացի ապստամբների ջոկատները հակառավարական զորքերից հետ են վերցրել այդ անցակետը, որն ավելի վաղ իրենց վերահսկողության տակ էին առել։

Հռչակագրով վերահաստատվում է Հայաստանի Հանրապետության հստակ հանձնառությունը շարունակելու բարեփոխումների գործընթացը և ընդգծվում Եվրոպական Հանձնաժողովի պատրաստակամությունը՝ տրամադրելու ավելի մեծ աջակցություն բարեփոխումների իրականացման համար, ներառյալ բյուջետային աջակցության և Հայաստանի Հանրապետության կառավարության և Եվրոպական Հանձնաժողովի միջև համաձայնեցված` Պետական կառավարման մարմինների զարգացման համապարփակ ծրագրի միջոցով:

Ըստ ՀՀ ոստիկանության օպերատիվ հաղորդագրությունների ամփոփագրերի` ապրիլի 28-ից 29-ը հանրապետությունում արձանագրվել է ավազակային հարձակման 3 դեպք, որից բացահայտվել է 1-ը:

«Ֆեյսբուք» սոցիալական ցանցում նախաձեռնություն է սկսվել, որի միջոցով կոչ է արվում օգնել սոցիալապես անապահով վիճակում գտնվող Կոտայքի մարզի Արտավազ գյուղի բնակչուհի Ալինա Վարդանյանին և նրա երեխաներին։ Ալինա Վարդանյանն ամուսնու մահից հետո արդեն 14 տարի միայնակ է հոգում 3 անչափահաս երեխաների հոգսերը:

Ըստ որոշ տեղեկությունների՝ Գյումրիի հիվանդանոցներից մեծ թվով բժիշկներ դիմում են Ռուսաստանի Դաշնության «Հայրենակիցներ» ծրագրին՝ Հայաստանից մեկնելու և Ռուսաստանում մշտական բնակություն հաստատելու համար: Հիմնական պատճառը բժիշկներին վճարվող չնչին աշխատավարձներն են, որոնք նրանց հնարավորություն չեն տալիս արժանավայել կյանքով ապրել: Այս տեղեկությունները չեն հերքել նաև Գյումրիի հիվանդանոցներից, սակայն նշվում է, որ բժիշկների արտագաղթը դեռևս աղետալի չափերի չի հասել:

Ներմուծված մարդատար տրանսպորտային միջոցների մաքսային ձևակերպում­ներին աջակցելու նպատակով 1516 ՀՀ քաղաքացիներին տրամադրված շուրջ 935 մլն դրամ ընդհա­նուր գումարով արտոնյալ վարկերից 21 մլն 841 հազար դրամ արդեն իսկ վերադարձվել է պետական բյուջե:

Հղում անելով թուրքական լրատվամիջոցներին՝ հեռախոսային զրույցի ժամանակ Դավութօղլուն ու Քլինթոնը գնահատական են տվել պաղեստինյան «ՀԱՄԱՍ» և «ՖԱԹՀ» խմբավորումների միջև ձեռք բերված փոխհամաձայնությանը։

Մեծ Բրիտանիայի Վեստմինստերյան աբբայությունում տեղի է ունենում արքայազն Վիլյամի և Քեյթ Միդլթոնի պսակադրության արարողությունը, որից հետո հարսանեկան շքերթը կուղևորվի դեպի Բուքինգհեմյան պալատ

ՀՀԿ–ական պատգամավոր, Հայաստանի ֆուտբոլի ֆեդերացիայի նախագահ Ռուբեն Հայրապետյանն այսօր լրագրողների հետ հանդիպման ժամանակ ընդունել է, որ իրոք իրավունք չունի հայհոյելու։

Հ բարձրագույն իշխանություններին այդ որոշումը չեղյալ հայտարարելու մասին: Նրանք առաջիկայում պատրաստում են նաև այդ թեմայով հանրային քննարկումներ կազմակերպել Գյումրիում` ընդգրկելով քաղաքացիական հասարակության կառույցներին:

Լրագրողների հետ հանդիպման ժամանակ ՀՅԴ խմբակցության անդամ, ԱԺ ֆինանսավարկային և բյուջետային հարցերի մշտական հանձնաժողովի փոխնախագահ Արծվիկ Մինասյանը հայտարարել է, թե իր կարծիքով՝ այն վարկերը, որ Հայաստանը դրսից վերցրել էր զրոյական տոկոսներով, պետք է տրվեին ոչ թե բանկերին, որ վարկավորեին և հարստացնեին դրանց, այլ պետք է այլ կերպ տնօրինվեր։

Մեկ օր առաջ ՀՀ ԱԺ նախագահ Հովիկ Աբրահամյանը «Facebook»–ի իր էջում գրել էր, որ հանձնարարել է անհարգելի բացակայած պատգամավորների աշխատավարձից պահումներ կատարել։ ՀՀԿ–ական պատգամավոր, Հայաստանի ֆուտբոլի ֆեդերացիայի նախագահ Ռուբեն Հայրապետյանն այսօր լրագրողներին ասել է, որ «Ֆեյսբուք» չի կարդում, չգիտի, թե Հովիկ Աբրահամյանն ինչ է ասել:

Այսօր ՀՀ կրթության և գիտության նախարար Արմեն Աշոտյանի հրամանով՝ իր դիմումի համաձայն, Երևանի պետական համալսարանի ռեկտոր Արամ Սիմոնյանն ազատվել է ռեկտորի պաշտոնից և նշանակվել ռեկտորի ժամանակավոր պաշտոնակատար:

Հայաստանի գերակա շահերը պարտադրում են նախ՝ ավելացնել պետական բաժնեմասերը Հայաստանի ընդերքի շահագործման ասպարեզում՝ ներկայիս 5%–ից ահսցնելով մինչև 25% և ավելին, ինչպես ընդունված է համաշխարհային պրակտիկայում։ Երկրորդ…