Զանգվածային լրատվության մի շարք միջոցներ իրականությանը չհամապատասխանող տեղեկություններ են տարածել, թե իբր «ոստիկանությունը մինչ օրս ստել է` ասելով, որ ՀՀ անձնագրերը տպագրվում են Ֆրանսիայում»:

Վիկտոր Համբարձումյանի անվան միջազգային մրցանակի հաղթողներ են ճանաչվել Յան Էյնաստոնը` Տարտուի աստղադիտարանի ավագ գիտաշխատող (Էստոնիա) և Իգոր Նովիկովը` Մոսկվայի Պ.Ն. Լեբեդևի անվան ֆիզիկայի ինստիտուտի տիեզերական աստղագիտության կենտրոնի փոխտնօրեն (Ռուսաստան): ՀՀ ԳԱԱ նախագահ, Վիկտոր Համբարձումյանի միջազգային մրցանակի հանձնաժողովի նախագահ, ակադեմիկոս Ռադիկ Մարտիրոսյանը հայտարարեց մրցույթի արդյուքները հուլիսի 21-ին ՀՀ ԳԱԱ-ում: Մրցանակը` 500,000 ԱՄՆ դոլար, կբաժանվի երկու դափնեկիրների միջև:

Կյանքի 75–րդ տարում մահացել է սիրված դերասան, հայկական կինոյի ու թատրոնի լեգենդներից համարվող Գալյա Նովենցը։

Հուլիսի 21-ին, Վանաձորում տեղի ունեցավ ՀՀ զինված ուժերի ծառայող 22-ամյա Աշոտ Սարդարյանի հուղարկավորությունը Ուսանողական 10 հասցեից:

Գյումրիում կայացած ՀՀԿ-ի մարզային կառույցի նիստում մարզային խորհրդի ղեկավարի պաշտոնից հրաժարական տված Գյումրու քաղաքապետ Վարդան Ղուկասյանի փոխարեն ընտրվել է Շիրակի մարզպետարանի կրթության վարչության երկարամյա պետ Սահակ Մինասյանը: Նիստը վարել է ՀՀԿ նախագահի տեղակալ, ԱԺ նախագահ Հովիկ Աբրահամյանը:

Արցախի Հանրապետության նախագահական ընտրությունները համակողմանի ուղերձներ են պարփակում: Կարծեք տարբեր մակարդակների վրա բոլոր հետեւողները, ընդհանուր առումով, համաձայն են այս ընտրությունների հետեւյալ բնութագրային բանաձեւին. «Ազատ, արդար, մրցակցային ընտրություններ»:

Հուլիսի 20-ին, ժամը 12.10-ի սահմաններում դեղորայքային թունավորումով «Մուրացան» բժշկական կենտրոն է տեղափոխվել Երևանի Պոպով փողոցի 37 տան բնակիչ` 2009 թ. ծնված Հայկ Թամազյանը:

Արմավիրի ընդհանուր իրավասության դատարանը նրա նկատմամբ որպես խափանման միջոց կիրառել երկամսյա կալանքը։

Վարդան Ղուկասյանը հրաժարական է տվել, քանի որ իշխանությունները Ղուկասյանին արգելել են առաջադրվել որպես Գյումրիի քաղաքապետի թեկնածու սեպտեմբերի 9-ին կայանալիք ՏԻՄ ընտրություններում:

Երեկ Սիրիայի մայրաքաղաք Դամասկոսում անհայտ պայմաններում հայ տղամարդ է սպանվել: Սպանվածը 48-ամյա Անդրանիկ Արզվալջյանն է: Նա մասնագիտությամբ ոսկերիչ էր:

Համաձայն ՊԲ օպերատիվ տվյալների, հուլիսի 15-ից 21-նընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 300 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1500 կրակոց:

Պատճառը՝ Ինգուրիի հիդրոէլեկտրակայանի հարկադիր անջատումներն են: Հոսանքազրկված է Թբիլիսիի ավելի քան 60 տոկոսը: Էլեկտրաէներգիայի բացակայության պայմաններում դադարեցված է նաև քաղաքին ջրամատակարարումը: Նշվում է, որ Ինգուրիի հիդրոէլեկտրակայանից հիմնականում սնվում են Արևմտյան Վրաստանն ու Թբիլիսին:

Այսօր՝ հուլիսի 21-ին, Երևանի կրկեսի վերակառուցվող շենքն ապամոնտաժելու նպատակով՝ պայթեցման աշխատանքներ կիրականացվեն Ագաթանգեղոսի 1 հասցեում:

Նշենք, որ ԱՄՆ նախագահ Բարաք Օբաման հուլիսի 21-ը սգո օր է հայտարարել երկրում։Նոր ֆիլմում նկարահանված հոլիվուդյան դերասաններ Էն Հեթուեյը, Քրիստիան Բեյլը և մյուսները հայտնել են, որ ուղղակի ցնցված են ԱՄՆ-ում կատարված դեպքի պատճառով: Նրանք չեղյալ են հայտարարել նաև ֆիլմի ցուցադրության հետ կապված բոլոր հարցազրույցները, քանի որ գտնվում են շոկային վիճակում:

Այսօր տեղի է ունենալու ՀՀԿ Շիրակի մարզային կառույցի նիստը։ Հնարավոր է, որ այս նիստում որոշվի կառույցի ղեկավարի պաշտոնից հեռացնել Գյումրիի քաղաքապետ Վարդան Ղուկասյանին և նրա փոխարեն նշանակել Շիրակի մարզպետարանի կրթության վարչության պետ ՀՀԿ–ական Սահակ Մինասյանին։

Հուլիսի 23-ին Բրյուսելում կայանալիք Արեւելյան գործընկերության անդամ երկրների արտգործնախարարների հանդիպմանը մասնակցելու նպատակով ԱԳ նախարար Էդվարդ Նալբանդյանը կմեկնի Բելգիա

Երեկ երեկոյան Թուրքիայի Վան նահանգում 4.4 բալ ուժգնությամբ երկրաշարժ է տեղի ունեցել: «CNNTurk»–ի տեղեկացմամբ՝ ստորգետնյա ցնցումները հաջորդաբար կրկվել են մի քանի անգամ: Նախնական տվյալներով` տուժածներ և ավերածություններ չկան:

Ինչպես տեղեկացրել էինք՝ հուլիսի 2-ից որպես անհայտ կորած որոնվող 76-ամյա Գոհարիկ Գասպարյանին սպանելու կասկածանքով հուլիսի 16-ին ոստիկանության ծառայողները Երևանի Գայի պողոտայի և Ն. Ստեփանյան փողոցների խաչմերուկից բերման էին ենթարկել 51-ամյա Սամվել Գասպարյանին: