ՀՀ ՊՆ խոսնակ Դավիթ Կարապետյանը տեղեկացրել է, որ ՀՀ պաշտպանության նախարար Սեյրան Օհանյանը հունվարի 10-ին հրամանագիր է ստորագրել ՀՀ Տավուշի մարզում տեղակայված N զորամասի հրամանատար, գնդապետ Սերգեյ Կարապետյանին, ինչպես նաև նույն զորամասի հրամանատարական կազմի ևս երկու սպայի զբաղեցրած պաշտոնից ազատելու վերաբերյալ:

Դեկտեմբերի 31-ի ուշ երեկոյան Իջևանի տարածաշրջանի զորամասերից մեկի անցագրային կետի մերձակայքում Սերգեյ Կարապետյանի և Տավուշի մարզի որոշ քաղաքացիների միջև վիճաբանություն և ծեծկռտուք էր տեղի ունեցել, որի հետևանքով ծանր մարմնական վնասվածքներ ստացած Տարոն Ենգիբարյանը տեղափոխվել էր հիվանդանոց։ Փաստի առիթով քրեական գործ էր հարուցվել խուլիգանության հատկանիշներով' Քրեական օրենսգրքի 258 հոդվածի երրորդ մասով:

Իսկ այսօր ծանր մարմնական վնասվածքներ ստացած 20-ամյա Տարոն Ենգիբարյանը հիվանդանոցում մահացել է:

7or.am