Այսօր ՀՀ Ազգային ժողովը որոշել է ««Նաիրիտ գործարան» ՓԲԸ–ի մասնավորեցման, ստանձնած վարկային պարտավորությունների և անհրաժեշտ ծավալով տնտեսական գործունեություն չիրականացնելու պատճառներն ուսումնասիրող ՀՀ ԱԺ ժամանակավոր հանձնաժողով ստեղծելու մասին» օրենսդրական նախաձեռնության ընդգրկումը օրակարգ հետաձգել մինչև մեկ տարով։
Այս նախաձեռնության հեղինակներն էին ՀՅԴ խմբակցության պատգամավորներ Աղվան Վարդանյանը, Արծվիկ Մինասյանը և Արմեն Ռուստամյանը։

ԱԺ այսօրվա նիստում Արծվիկ Մինասյանն ընդգծել է, որ ՀՅԴ–ն ակնկալում էր կառավարությունից պատշաճ տեղեկատվություն ստանալ «Նաիրիտի» հետ կապված, բայց կառավարության հաճախակի գործուղումների պատճառով այդ տեղեկատվությունը չի տրամադրվել իրենց։ Այդ է պատճառը, որ հանձնաժողով ստեղծելու հարցի քննարկումը հետաձգվել է մինչև մեկ տարով և որոշվել դրան անդրադառնալ փետրվարի 24-27–ի քառօրյայում:

7or.am