Հայաստան–Իտալիայի խաղից հետո լրագրողների հարցերին է պատասխանել Իտալիայի ընտրանու մարզիչ Չեզարե Պրանդելին։

- Այո, կար անհանգստություն, որ կարող էինք չհաղթել: Եղան թերություններ պաշտպանությունում, բայց թիմը գնում էր առաջ ու կարողացավ հաղթել:

- Ինչպե՞ս կգնահատեք Հայաստանի խաղը:

- Շատ լավ թիմ է, որը դաշտի ցանկացած հատվածում կարող է գնդակը խլել: Մեզ համար սա լավ փորձություն էր, որը մենք հաղթահարեցինք:

- Սպասո՞ւմ էիք նման խաղ հայ ֆուտբոլիստներից:

- Շատ հետաքրքիր խաղացողներ ունի Հայաստանը: Կարողանում են գնդակը լավ մտցնել խաղի մեջ ու լավ գրոհել:

- Բալոտելիի վատառողջ լինելու պատճառով ասպարեզ դուրս եկավ Ջովինկոն, ով լավ հանդես չեկավ...

- Ամենևին համաձայն չեմ, որ Ջովինկոն լավ չխաղաց: Նա լավ էր գործում տուգանայինում, կարողանում էր վտանգավոր պահեր ստեղծել:

- Արդյոք դժվար չէ՞ Հայաստանի կլիմայում:

- Մենք պատրաստվել էինք դրան՝ գիտակցելով, որ այստեղ ավելի բարձր է:

- Հենրիխ Մխիթարյանին կընդգրկեի՞ք Ձեր կազմում:

- Ես կարծում եմ, որ Մխիթարյանը կկարողանար խաղալ եվրոպական ցանկացած հավաքականում: