Երևանում Բրիտանական դեսպանատունը օլիպիական խաղերի սիրահարներին հրավիրում է Սիրահարների այգի՝ միասին դիտելու Օլիմպիական 30-րդ խաղերի բացման հանդիսավոր արարողությունը:

Հուլիսի 27-ին՝ ժամը 23:00-ին, այնտեղ կհնչի DJ Հակոբի՝ հատուկ այս օրվա համար պատրաստած Բրիտանական երաժշտության լավագույն ընտրանին, և անվճար կտրամադրվեն Կոկա-կոլայի զովացուցիչ ըմպելիքներ:

Ուղիղ կես գիշերին կապ կհաստատվի Լոնդոնի Օլիմպիական մարզադաշտի հետ, և Բիգ Բենի զանգերի ներքո կտրվի Լոնդոնի ամառային Օլիմպիական խաղերի մեկնարկը:

Իսկ այդ րոպեներին Երևանի ծննդատներում ծնված երեխաներին Միացյալ Թագավորության դեսպանը նվերներ կհանձնի։

7or.am