Ֆրանսիայի դեռևս գործող նախագահ Նիկոլա Սարկոզին դատարանում ցուցմունք է տալու  կաշառակերության և կուսակցությունների անօրինական ֆինանսավորման գարծով:

Այս քրեական գործի հիմնական դերակատարը Սարկոզիի մտերիմներից մեկն է՝ Ֆրանսիայի հետախուզման ծառայության պետ Բեռնար Սքվարսինին: Սքվարսինին մեղադրվում է «Le Monde» թերթի լրագրողի հեռախոսը ապօրինի գաղտնալսելու համար։ Դեպքը տեղի է ունեցել մեկ տարի առաջ։ Սքվարսինին մեղադրվում է կապի գաղտնիությանը խախտելու, տեղեկությունների ապօրինի հավաքագրման և անձնական կյանքին միջամտելու համար:

Մեղադրող կողմի վարկածով՝ այդ կերպ պաշտոնյան փորձել է բացահայտել լրագրողի աղբյուրը։ Խոսքը L'Oreal ընկերության ղեկավար Լիլիան Բետանկուրի կողմից քաղաքական ուժերի ֆինանսավորման լուրերի մասին է:

Հնարավոր է՝ Սարկոզին ցուցմունք կտա նաև մեկ այլ քրեական գործով՝ Պակիստանին ռազմական պայմանագրերի դիմաց ֆինանսական գաղտնի աջակցություն ցուցաբերելու համար։

Հիշեցնենք, որ Սարկոզին մեղադրվում է նաև Լիբիայի նախկին առաջնորդ Մուամար Քադաֆիից 2007թ. նախագահական ընտրությունների իր քարոզարշավի համար 50 մլն եվրո ստանալու համար։