Իրանը հույս ունի, որ «վեցյակի» հետ բանակցությունների ընթացքում իր դեմ սահմանված պատժամիջոցները կհանվեն։ Այս մասին հայտարարել է այդ երկրի հոջևոր առաջնորդ այաթոլա Ալի Համենեիի խորհրդական Հոլամ Ալի Հադդադ Ադելը։

Իրանի և միջազգային միջնորդների «վեցյակի» (Ռուսաստան, ԱՄՆ, Չինաստան, Ֆրանսիա, Մեծ Բրիտանիա և Գերմանիա) միջև բանակցությունների երկրորդ փուլը տեղի կունենա Բաղդադում մայիսի 23–ին։

Հոլամ Ադելը նշել է, որ պատժամիջոցների վերացումը նվազագույնն է, ինչ Իրանը կարող է ակնկալել Բաղդադի բանակցություններից։ Ադելը նաև հույս է հայտնել, որ «գործընկերները պահվածքի խելամիտ մարտավարություն կընտրեն և կհասկանան, որ Իրանը երբեք տեղի չի տա արտաքին ճնշումներին»։