Այսօր հրավիրված ասուլիսում ՀՅԴ քարոզչության համակարգող Աղվան Վարդանյանն ասել է, որ Արաբկիր վարչական շրջանն ընդգրկող թիվ 4 ընտրատարածքում ՀՅԴ-ն կսատարի անկուսակցական Սաթիկ Սեյրանյանին։

–ՀՀԿ-ի պաշտպանյալը Արտակ Սարգսյանն է, ով բոլորիս հայտնի է Սասի Արտակ անվամբ։ ՀՅԴ-ն չի՛ պաշտպանի այդպիսինին: Առաջադրված մյուս երկուսին՝ ՀԱԿ-ից Արամ Մունկյանին և «Ժառանգություն»–ից Զարուհի Փոստանջյանին, մենք հաջողություն ենք մաղթում, թող դառնան պատգամավոր: Սաթիկ Սեյրանյանն անկուսակացական է ու անկախ։ Կարծում եմ, որ նրա նման պրոֆեսիոնալ լրագրողի, մարդու ներկայությունն ԱԺ-ում դրական կլինի։ Եթե նա ինտենսիվ աշխատի, հնարավորություն կունենա հաղթել Արտակ Սարգսյանին ու մյուս թեկնածուներին,–նշել է Ա. Վարդանյանը:

7or.am