Այսօր՝ ապրիլի 27–ին, Դամասկոսի երկու թաղամասերում պայթյուններ են տեղի ունեցել։ Սիրիական լրատվամիջոցների տեղեկություններով՝ պայթյուններից մեկը որոտացել է Միդան թաղամասում՝ մզկիթի հարևանությամբ։ Նախնական տվյալներով՝ ահաբեկչությունն իրականացրել է մահապարտը։ Պայթյունի պատճառով զոհվել է 6 մարդ, 17–ը՝ վիրավորվել։ Ընդդիմության ակտիվիստների պնդմամբ՝ պայթյունը տեղի է ունեցել այն ժամանակ, երբ մարդիկ դուրս էին գալիս մզկիթից։

Երկրորդ պայթյունը որոտացել է Դամասկոսի արդյունաբերական արվարձանում, զոհերի և վիրավորների մասին տեղեկություններ դեռևս չկան։

Երկու ահաբեկչությունների համար պատասխանատվություն դեռ ոչ ոք իր վրա չի վերցրել. սովորաբար նման դեպքերում իշխանությունն ու ընդդիմությունն իրար են մեղադրում կատարվածի համար։