ԱՄՆ Ինդիանա նահանգում 6–ամյա երեխային մեղադրում են դպրոցի տնօրենին ծեծելու համար։ Երեխային պաշտոնական մեղադրանք է ներկայացվել։

Դպրոցականը, ում անունը ոստիկանությունը չի հայտնում, ձերբակալվել է ապրիլի 18–ին, այն բանից հետո, երբ անկարգություն է արել դպրոցի տնօրենի աշխատասենյակում։ Տղան լացել է, թավալվել գետնին, մի քանի անգամ ոտքով հարվածել տնօրենին և փոխտնօրենին։ Բացի այդ, փոքրիկը սպառնացել է երկուսին էլ սպանել։

Ուսուցիչները չեն կարողացել զսպել երեխային և ստիպված են եղել ոստիկանություն կանչել։ Ոստիկանությունում հայտնում են, թե սա նման առաջին դեպքը չէ, երբ իրավապահ մարմինների աշխատակիցները գործ են ունենում փոքրիկ օրինազանցների հետ։