ՀՀ կրթության և գիտության նախարար Արմեն Աշոտյանը մի քանի օր առաջ ֆեյսբուքյան իր էջում 10 կետից բաղկացած նախընտրական խրատանի էր տեղադրել, որը բուռն քննարկումների տեղիք տվեց։ Այդ խրատներն են.

1. Մանդատը չտեսած՝ մի՛ մերկացիր:
2. 4.9 % կլինես , 5% չես լինի:
3. Լեզվին զոռ տալուց հիշի՛ր քաղաքական ճողվածքի մասին:
4. Ընտրե՛ք չարյաց փոքրագույնը:
5. Գցի՛ր, որ չգցեն:
6. «Facebook»-ը քաղաքական կատեգորիա չէ:
7. Լեզվի երկարությունը հակադարձ համեմատական է ցուցակային տեղին:
8. Մարդ կա՝ մարդ է, մարդ էլ կա՝ անցողիկ տեղում է:
9. Նազիկ Ավդալյանի քարը ծանր է:
10. Մանդատը վարունգ չէ. կամ կա, կամ չկա:

«Ֆեյսբուքի» օգտատերերից մեկն էլ հանդես է եկել պատասխան խրատով.

Աշոտյանի խրատանուց կարող ենք անել հետևյալ հետևությունը, որ Արմեն Աշոտյանը
1. Մերկանում է միայն մանդատը տեսնելուց հետո
2. 4,5 %-ի խնդիր չունի, քանի որ առանց 1% անգամ հավաքելու՝ միանգամից 5% է դառնում
3. Իր քաղաքական ճողվածքները հիշեցնել են տալիս իրենց մասին լեզվին զոռ տալու պահերին
4. Ընտրել է չարյաց փոքրագույնը
5. Գցել է ու գցում է, որ հանկարծ չգցեն
6. Վերջապես բացահայտել է, որ FB-ն քաղաքական կատեգորիա չէ
7. Իր լեզվի երկարությունը հակադարձ համեմատական է ՀՀԿ ցուցակում իր տեղին
8. Գիտակցում է, որ մարդ կա՝ մարդ է, իսկ ինքն անցողիկ տեղում է
9. Իր կաշվի վրա է զգացել Նազիկ Ավդալյանի քարի ծանրությունը
10. Համտեսել է մանդատը և հասկացել, որ պետք չէր աղը բռնած վազել. մանդատը վարունգ չէր։

7or.am