Վաղ առավոտից հանրապետությունում մեկնարկել են բողոքի խաղաղ անհնազանդության գործողությունները։

Հիշեցնենք, որ մայիսի 26-ին Հանրապետության հրապարակում հրավիրված հանրահավաքին Բագրատ Սրբազանը հայտարարել էր․ «Առավոտյան ժամը 08։00-ին մեկ մարդու նման պետք է սկսվեն անհնազադության ակցիաները, եթե ուզում եք, որ այս մարդիկ օր առաջ հեռանան: Ոչ թե նայեք իմ դեմքին, սիրելի ժողովուրդ, այլ միմյանց դեմքերին նայենք: Միմյանց պետք է տեսնենք միևնույն խրամատում: Մենք չպետք է թողնենք իրենց` գալու աշխատանքի, որովհետև իրենք աշխատանք չունեն, վաղուց ազատված են այդ գործից: Թե՛ բարոյապես, թե՛ ֆիզիկապես իրենք դադարել են լինել այն պաշտոնյաները, որոնց դուք, իրենց բառերով, վարձել եք, որ ձեզ ծառայեն:

Առավոտից բացի Տավուշ և Լոռի տանող ճանապարհներից մնացած բոլոր ճանապարհները փակ պետք է լինեն»:

***

Այս պահին փակ են Ուլնեցու, Տերյան, Կորյուն փողոցները, Երևան-Աշտարակ ճանապարհը, Հին Երևանցու փողոցը, Աբովյան-Մոսկովյան խաչմերուկը, Մաշտոցի պողոտան, Խանջյան-Տիգրան Մեծ խաչմերուկը, Դավիթ Անհաղթ-Ուլնեցի խաչմերուկը, Արմավիր-Մեծամոր ճանապարհը, Աճառյան փողոցը, Սայաթ Նովա-Տերյան խաչմերուկը, Բաղրամյան պողոտան, Ծովակալ Իսակովի պողոտան։

***

Բագրատ Սրբազանի մեքենան ԱՊՊԱ պատահար գրանցեց Սայաթ Նովա-Աբովյան խաչմերուկում։ Աբովյան փողոցն այս պահին փակ է այդ հատվածում։

***

Երևան-Արմավիր ճանապարհը փակ է Արշալույս գյուղի հատվածում:

***

Կարմիր բերետները փորձում են «բերման ենթարկել» Բագրատ Սրբազանի հայտնի մեքենան, որով նա արգելափակել է Աբովյան փողոցը:

***

Երևան-Արմավիր ճանապարհը շարունակում է փակ մնալ բեռնատարների օգնությամբ:

***

Քաղաքացիները ծխերով և պարկերով արգելափակել են Սարալանջի փողոցը:

***

Երևան-Սևան մայրուղին փակ է Չարենցավանի հատվածում:

***

Բերման ենթարկված քաղաքացիներն հայտնում են, որ բաժիններում այլևս տեղ չկա: Քաղաքացիներին ստիպված բաժնից բաժին են տեղափոխում` ազատ տեղերի փնտրտուքով:

***

Քաղաքացիները երկու կողմերից փակել են Օրբելի-Բաղրամյան թունելը:

***

Քաղաքացիները մեքենայով արգելափակել են փողոցը՝ «Փեթակ» առևտրի կենտրոնի առջև։

***

Փակ է նաև Գյումրի-Բավրա ճանապարհը։

***

Սայաթ-Նովա պողոտան փակ է։

***

Բագրատ Սրբազանը Ռադիոտան շենքի մուտքի մոտ փոքր ինչ հանգստանալու համար մեկ պահ դադար առավ։ Շենքն ամբողջությամբ շրջափակված է վահանակիր ոստիկաններով։

***

Բագրատ Սրբազանի առաջնորդությամբ երթը վերադարձավ Սուրբ Աննա եկեղեցու բակ։

***

Վայոց ձորի մարզում ավտոերթ է։

***

Քաղաքացիները մեքենաներով երկկողմանի արգելափակել են Երևանի Հարավային դարպասները։

***

Սիսիանում արցունքաբեր գազ են կիրառել քաղաքացիների նկատմամբ։

***

Քաղաքացիների անհնազանդության ակցիան Աշտարակ-Գյումրի մայրուղու Ուջանի հատվածում։

***

Աբովյան փողոցում ցուցարարներին ցրելու համար կիրառեցին արցունքաբեր գազ, որից բոլորը սկսեցին խեղդվել։ Ոստիկանները անցնող վարորդներին կոչ արեցին փակել մեքենաների պատուհանները։

***

Հայաստան-Իրան միջպետական ճանապարհը փակ է Սիսիանի հատվածում։