Բաքվում Ադրբեջանի նախագահ Իլհամ Ալիևն ու Եվրահանձնաժողովի նախագահ Ժոզե Մանուել Բարրոզուն հանդես են եկել համատեղ մամուլի ասուլիսում։ Իր ելույթում Բարրոզուն անհանգստություն է հայտնել ԼՂ հակամարտության  կարգավորման բանակցային գործընթացում առաջընթացի բացակայության կապակցությամբ։ Ըստ ադրբեջանական լրատվամիջոցների՝ Եվրահանձնաժողովի նախագահը նշել է, որ ժամանակն է լուծել արցախյան հակամարտությունը։ «Մենք պաշտպանում ենք տարածքային ամբողջականության սկզբունքը և հանդես ենք գալիս Ադրբեջանի տարածքային ամբողջականության օգտին»,-հայտարարել է Բարրոզուն։