Կարծիք

11.05.2021 14:45


Ազատվելով նիկոլից՝ ազատագրում ենք Հայաստանը

Ազատվելով նիկոլից՝ ազատագրում ենք Հայաստանը

Գալիք ընտրական խառնարանում խառնված են մի քանի ուժեր և, թող ներվի ասելը, ոտքի տակը նկնող «մանրապճեղ» կուսակցություններ, որոնք շատ լավ գիտեն` իրենց քաղաքական կյանքը մի քանի օրվա համար է: Տպավորություն է, որ նրանց համար ազգը, ժողովուրդը աուտենտությունը կորցրած ֆիզիկական միավորներ է:

Մինչդեռ ՝ հայ ժողովուրդ , ինչո՞ւ ես հիվանդացել, ինչո՞ւ չես տեսնում տեսանելին, ինչ՞ու ես դարձել դավաճան հանդուրժող: Դու արժան՞ի ես ծանակված, ծանծաղամտությունը կայացած գաղափարախոսություն համարող ազգակործան առաջնորդի:

Հայ ժողովուրդ, դու լսում ես ու չե՞ս լսում, թե ո՞վ է քաղաքակրթության բնօրրան Շուշին թուրքական համարում, ով է քո հայրենիքի սահմանները գծում թշնամու հետ «բանավոր ըմբռնումների» հիման վրա, ով է ստորագրում քո նվաճումները , հաղթանակը տապալող փաստաթուղթը, ով է քո զոհված հերոս զավակներին պլուսով և մինուսով հաշվում, ով է վախենում թուրքին հրապարակայնորեն թշնամի որակելուց:

Հայ ժողովուրդ, դու գիտես, թե ով է արժանի քո քաղաքական ոճիրին : Դու կորցրե՞լ ես քո զորությունը ու վանդակի մեջ ՝ օրափայով կերակրող գազանի նման, չե՞ս համարձակվում ազատվել ու ազատագրել քեզ և հայրենիքը: ԻՆՉՈ՞Ւ: Ին՞չ եղավ քեզ, հայ ազգ: Ինչ՞ու ես դարձել անզգա: «Շիտակ խոսքը շրթունք կհամբուրե»,- ասում է Աստվածաշունչը: Զարթնի հայ ազգ, ազատվիր բանականությունից զուրկ հայակործան դավաճանից: Ամոթ է:

Իրոք, եկել է քաղաքացու վրեժի ժամանակը

Իրապես, քաղաքացու վրեժի ժամանակը վաղուց է եկել: Քաղաքական գործընթացներում դա՝քաղաքական ընտրություններն են: Ին՞չ պատկեր ունենք մենք ընտրությունների նախաշեմին: Ունենք պարտված, կյանքի բոլոր ոլորտներում ձախողված , երկրում որևէ գործնական դրական տեղաշարժ չարձանագրած քաղաքական «լրբենի», որը նույնիսկ իր ձեռքով ստորագրած կապիտուլյացիան «նաղդում» է ուրիշների վրա: Ունենք մի խամաճիկային Ազգային ժողով, որի հասարակական «նեյմինգը» դարձավ «մինի մեջլիս» կամ ՝ ապազգային ժողովը: Օրենսդիր այդ մարմնի ղեկավարի թուրքական հատուկ ծառայությունների «օմեգա» լինելու հանգամանքը, ԱԺ իշխող ողջ խմբակցության անթաքույց թրքապաշտությունը վիրուսի նման տարածվեց՝ не один он, а все мы такие տրամաբանությամբ:

Կոլեկտիվ այդ «նիկոլները» խժռում են մեր հայրենիքը մեր աչքի առաջ ու մենք դեռ տատանվում ենք իրենցից ազատվե՞լ : Սա արդեն քաղաքական դիսկուրս չէ, այլ ազգային խեղված հոգեբանություն՝մենք մեղք ենք , թող թուրքը գա, բայց նախկինները չգան նոր հիվանդություն: Սա նաև Նիկոլ Փաշինյանի քարոզչական կայացած հնարքներից է: Կապիտուլյանտը դուք եք, հողատուն դուք եք իր «մանտրան» կրկնելով , նա իր անճար ոռնոցն է արձակում: Իսկ իրականում ՝ հայ ժողովրդի վերջին երեսուն տարվա պատմության մեջ պաշտոնապես ճանաչված միակ հողատուն ինքն է: Վկա՝2020 թվականի նոյեմբերի 9- ին իր կողմից ստորագրված հայտնի փաստաթուղթը, որի հրապարակային ստորագրումից ինքը փախչեց: Պաշտոնապես հաստատված միակ կապիտուլյանտը ևս Նիկոլ Փաշինյանն է, նա , ով հավեսով երկրորդում է Ալիևին , հարցնելով հայ պատգամավորին՝ Շուշին «իր այդ կարգավիճակով» հայկական է: Նիկոլ Փաշինյանն է ասում, որ «ՍՈւ-30 գերժամանակակից զենք գնելով՝ մենք հրահրել ենք պատերազմ»: Նիկոլ Փաշինյանի՝ թուրքին հպատակվելու բացառիկ վկայությունը թշնամուն արդարացնելն է: Թշնամին մեղավոր չէր, մենք զինվում էինք , ինքն էլ տեսավ , կատաղեց, հարձակվեց- ահա սա է Փաշինյանի օրեր առաջ ասածը: Սա դավաճանության , քաղաքական մանկուրտության և սրիկայության դրսևորում է, թուրքական շահերի հրապարակային սպասարկում :

Նիկոլ Փաշինյանն ինքն իր ձեռքով իրեն վերածում է քաղաքական մուտանտի: Միայն քաղաքական մուտանտը կարող է ասել. «Պատերազմի պատրաստվելն ունի նրբություններ, որովհետև հակառակորդն էլ է հետևում քեզ, տեսնում է, որ դու 80-ականների զենքերից անցում ես կատարում 2020-ականների զենքերին։ Նա հասկանում է, երբ այդ գիծն անցար, քո պոտենցիալն աճելու է։ Սա էլ է պատերազմի հրահրում>>:

Ստացվում է՝ Ալիևը պիտի զենք առներ, մենք էլ սպասեինք, թե այդ զենքը, երբ և ինչպես է մեզ ոչնչացնե՞լու:

Նիկոլ Փաշինյանը ,փաստորեն, հաստատում է՝ իր համար կապիտուլյացիան և պարտությունը ընդունելի տարբերակներ էին: Հաստատում է , որ պատերազմի երրորդ օրը զորքի լրահամալրումը դադարեցնելու հրաման իրապես եղել է: Հաստատում է, որ , ինչպես շատերն են պատմում , միշտ նահանջելու հրամանը եղել է հայկական կողմի մարտական գործողությունների ռազմավարությունը: Շուշին «գցելու», Քարվաճառը, Լաչինը, Ակնան անկրակոց վերցնելու Ալիևի հորթային հրճվանքը, ինչպես նաև հայկական, ռուսական , նաև թուրքական հրապարակումները գալիս են լրացնելու հայոց իշխանության ղեկին նստած միակ դավաճանի իրական , ոչ հնարովի կերպարը:

Ու՞մ հրամանով են այժմ Սյունիքի գյուղերը զինաթափվում։ Ինչպե՞ս կարող է երկրի վարչապետի աթոռում հայտնվածը հայտարարել, որ , կա գաղափար բանակում զինծառայությունը դարձնել երեքամսով՝ հինգ տարին մեկ: Ու սա այն դեպքում, երբ թշնամի Ալիևը չորս անգամ ավելացնում է իր ռազմական բյուջեն: Հիմա հարց ուրիշին հողատու ու կապիտուլյանտ մանկամտական «ալավերդի» անող Նիկոլ Փաշինյանին՝ իր իսկ խոսքերով. Դու չե՞ս հետևում հակառակորդին, չե՞ս տեսնում, որ թշնամին 2020-ականների զենքերից անցում է կատարում գերժամանակակից զենքերին, չե՞ս տեսնում, որ սպառազինվում է, չե՞ս լսում՝բացահայտ ասում է, որ հարձակվելու է քո՝ չէ, մեր վրա:

Քաղաքական ծակ մատնոցի դերակատարումը ստանձնածի քաղաքական կյանքը պետք է ավարտի, այո, հայ քաղաքացին: Իրապես, եկել է քաղաքացու վրեժի ժամանակը:

Ընտրական խառանարան. երբ բացասական ընտրությունն է դրական

Այն, որ նիկոլից պետք է ազատվել, գիտեն, հասկանում են փաստերը, հանգամանքները տեսնող, լսող, դրանցից օրուգիշեր տառապող հայ մարդիկ: Հարց է առաջանում՝ էլ ին՞չ ունի անելու պատերազմում պարտված , իր աթոռը պաչելով մաշող, արտաքին որոշ ուժերի քաղաքական կլերկ հանդիսացող, ազգային ոչ մի որակ, հատկանիշ, բաղադրիչ չունեցող, տարրական էրուդիտիայից զուրկ մեկը: Որն՞է նրա անավարտ մնացած քաղաքական ծրագիրը :

Քաղաքական դեռևս «քյափի» ձևավորման փուլում այժմ միավորում են նրանք, ովքեր որևէ տրամաբանությամբ պետք է անգամ չմերձենային, հրապարակ են իջնում նրանք, ովքեր պետք է շարունակեին ընդամենը հետևել քաղաքական գործընթացներին: Այս ֆոնին ուշագրավ է ՀՀ առաջին և կապիտուլյացիոն գաղափարախոսության հիմնադիր Լևոն Տեր- Պետրոսյանի մեծագույն ցանկությունը՝ նորից մտնել քաղաքական խաղի մեջ, բայց ոչ թե խաղալու, այլ ՝ խառնելու: Այլ կերպ անհնար է մեկնաբանել թուրքերի հետ քիրվայության ձգտող, Նիկոլ Փաշինյանին մեկ աջակցող, մեկ՝ հրապարակային ստորացնող Լևոն Տեր-Պետրոսյանի առաջարկը երեք նախագահներին՝ դաշինքով ընտրություններին մասնակցելու: Փաստորեն , ՀՀ առաջին նախագահը միանգամից երկու ընծա է մատուցում իր հոգեզավակ Նիկոլին: Նա փայլուն գիտի, որ հանրությունը չի ընկալի երկրի երեք նախկին նախագահների ընտրական դաշինքը գոնե միայն այն պատճառով, որ հենց նա է այդ դաշինքի գաղափարական հայրը: Երկու անգամ քաղաքական լուզեր դարձած ՀՀ առաջին նախագահը գիտակցում է, որ ինքն իր ՀԱԿ-ով , վերստին հանրային քաղաքական ապտակի է արժանանալու: Ուստի, փորձելով միավորվել իրենից հետո երկիրը ղեկավարածների հետ, հույս ունի , թերևս, ընտրականփշրանք պոկել ու մի քանի ՀԱԿ-ականի տեղավորել ԱԺ-ում: Սա քաղաքական խաղերի կանոնների մեջ տեղավորվող հնարք է: Բայց ԼՏՊ-ի դեպքում, թերևս, նա փորձ է անում իր մշտամնա բացասականությունը տարածել ակնկալվող դաշնակիցների վրա, վարկաբեկել նրանց և անսայթաք ճանապարհ հարթել իր հոգեզավակի համար: Հետո ինչ , որ նա հայրաբար «ազգակործան պատուհաս» է անվանել վերջինին:Դա մեղմ, հայրական ապտակի կվերածվի, երբ հոր և որդու հեռահար նպատակը կյանքի կոչվի: ԼՏՊ-ի առաջարկը՝ քաղաքական մահ է այդ անհատների համար: Այդ անհատները դա գիտակցել են:

Հայոց քաղաքական խառնարանը դեռ եփելու է :

Նիկոլ Փաշինյանին ուզում եմ ասել՝ ապագա կա առանց քեզ, Նիկոլ: Пожалуйста, заруби себя на носу, на алиевском носу.

Լիլիթ Աղեկյան

Աղբյուրը՝ esse.am

Այս խորագրի վերջին նյութերը