Ինչպես հաղորդում է «ՌԻԱ Նովոստի»–ն, այսօր ԱՄՆ Ազգային անվտանգության խորհրդի ղեկավար Թոմ Դանիլոնը  հանդիպել է Լիբիայի Ազգային անցումային խորհրդի ղեկավար Մահմուդ Ջաբրիլի հետ։

–Հանդիպման ժամանակ Դանիլոնը հայտարարել է, որ ԱՄՆ–ն այդ խորհուրդը  համարում է օրինական և լիբիական ժողովրդին ներկայացնելու վստահությանն արժանի կառույց։ Պարոն Դանիլոնն ընդգծել է նաև, որ Մուամար Քադաֆիի վարչակարգն էլ, ընդհակառակը, կորցրել է իր  օրինականությունն ու կրկնել է նախագահ Բարաք Օբամայի կոչը՝ անհապաղ լքել դիրքերը,–ասված է Դանիլոնի և Ջաբրիլի հանդիպման մասին Սպիտակ տան տարածած մամլո  հաղորդագրության մեջ։

Ինպես ընդգծված  է հաղորդագրության մեջ, հանդիպումը տեղի է ունեցել ԱՄՆ վարչակազմի և Ազգային անցումային խորհրդի ղեկավարության խորհրդակցությունների շրջանակում։

–Պարոն Դանիլոնն ու պարոն Ջաբրիլը քննարկել են, թե էլ ինչպես ԱՄՆ–ը և կոալիցիան կարող են աջակցել Ազգային անցումային  խորհրդին։ Պարոն Դանիլոնը ողջունել է Ազգային անցումային խորհրդի՝ լիակատար  քաղաքական փոփոխությունների և Լիբիայի  ժողովրդավարական ապագային ուղղված ձգտումները,–ասված է հաղորդագրության մեջ։