«Ազատության» տեղեկություններով՝ հրաժարական է ներկայացրել շրջակա միջավայրի նախարար Էրիկ Գրիգորյանը: Նախարարի մամուլի քարտուղար Դավիթ Գրիգորյանը, սակայն, չի մեկնաբանել այս տեղեկությունը։

Հրաժարականի պատճառների մասին դեռ հայտնի չէ:

Ըստ ընթացակարգի, հրաժարականը պետք է ընդունի վարչապետը:

Էրիկ Գրիգորյանը շրջակա միջավայրի նախարար է նշանակվել անցած տարվա հունիսի 1-ին, մինչ այդ էլ՝ 2018 թվականի Թավշյա հեղափոխությունից հետո, մայիսի 12-ից, զբաղեցրել է բնապահպանության նախարարի պաշտոնը:

***

ՀՀ նախագահի աշխատակազմից տեղեկացնում են, որ նախագահ Արմեն Սարգսյանի հրամանագրով Էրիկ Գրիգորյանն ազատվեց շրջակա միջավայրի նախարարի պաշտոնից: