Ինչպես «Aze.az» գործակալությանը տեղեկացրել են Ազգային օդերևութաբանական ծառայությունից, մարտի 14–ին Ադրբեջանում երկրաշարժ է արձանագրվել։ 3,5 բալ ուժգնությամբ ստորգետնյա ցնցումները  տեղի են ունեցել տեղական ժամանակով ժամը 12։37–ին։ Երկրաշարժի էպիկենտրոնը գտնվել է Շիրվան քաղաքից 35 կմ դեպի հյուսիս՝ 35 կմ խորության վրա։

Ավերածություններ և զոհեր չկան։

Նույն  օրը Ադրբեջանի մայրաքաղաք Բաքվում հրաբուխ է ժայթքել։ Արթնացել է Գոբուստանի Շիհզեյրիլի հրաբուխը։ Ժայթքումն ուղեկցվել է պայթյուններով, այնուհետև հրդեհ է բռնկվել։

Կրակի բացթողման բարձրությունը կազմել է մոտ 50 մետր։ Հրաբխի ակտիվությունը գնալով նվազում է, սակայն խառնարանի շուրջը ճաքեր են գոյացել։