Ո՞վ կհայտնվի ամբոխի երախում

● Խմբագրական

18.08.2019 ● 13:29

Ո՞վ կհայտնվի ամբոխի երախում

Ամբոխը սարսափելի հատկություններ ունի։ Նա անդեմ է։ Ունի թևեր ու ոտքեր, նաև՝ մարմնի այլ մասեր, որոնք ուրիշի հրահանգով են գործում։

Ամբոխն ամեն ինչ ունի, բացի գլխից։

Ամբոխի գլուխը կուռքն է՝ դեմագոգը և պոպուլիստը։ Ամբոխը ստրուկի պես ենթարկվում է գլխին։ Ենթարկվում է այնպես, ինչպես վարժեցնողից ուտելիք ու հրահանգ ստացող և հրահանգը կատարելուց հետո ուտելիքի նոր չափաբաժին սպասող վայրենի գազանը։

Գազանն այդ ենթարկվում է վարժեցնողին այնքան ժամանակ, քանի դեռ իրեն կերակրում են։ Հենց կերակուրն ավարտվեց, գազանի երախը գլուխը մտցնողն ու շոուներ ցույց տվողն անմիջապես զրկվում է սեփական գլխից։ Քանզի ամբոխն անկուշտ է։

Ամբոխին անընդհատ պետք է կերակրել, բայց, միևնույն է, նրա ախորժակն անսպառ է։

Ամբոխի երախն անտակ հոր է։ Սիզիփոսյան աշխատանքի է նմանվում երախի մեջ գլուխներ նետելով՝ ամբոխին կշտացնելը։ Հորը, միևնույն է, չի լցվում։

Ամբոխի քայլերը կազմակերպված և խմբակային հանցագործության ամենավերին աստիճանն են։ Կոլեկտիվ անպատասխանատվությունն ամբոխի պարագայում կատարյալ է։

Ամբոխի անկուշտ, հանցագործ, դավաճան, երախտամոռ, սրիկա, անբարո և անգլուխ էության հարցում համոզվել են Ռոբեսպիերից մինչև Տրոցկի, Սահակաշվիլիից մինչև Քադդաֆի, Դանտոնից մինչև Մուբարաք։ Շուտով կհամոզվի նաև Նիկոլ Փաշինյանը։

Քայլարածներն ու հատկապես դրանց առաջնորդն ամեն ինչ արեցին ու անում են, որ ժողովուրդն ամբոխ դառնա՝ չհասկանալով, որ վերջում իրենց գլուխն է հայտնվելու ամբոխի երախում, իսկ ամենավերջում՝ պետությունը։

Ժողովուրդը երկու ճանապարհ ունի՝ կա՛մ քաղաքացիական հասարակություն դառնալ, կա՛մ վերածվել ամբոխի։ Ընտրությունը մերն է։

Մեր խնդիրը պետք է լինի ամբոխի երախը պատռելն ու պետությունն ամբոխի երախից փրկելը։

7or.am

● Այս խորագրի վերջին նյութերը

«Հայաստանի Հանրապետությունը լուծարելու գործընթացն անխուսափելի էր»․ Նիկոլ Փաշինյան

11.12.2023 ● 12:25

Մեր մեղքը և անձամբ իմ մեղքն այն է, որ 2018–ից հետո մեր ժողովրդին ազնվորեն չներկայացրեցինք, որ այն, ինչ ստացել ենք 1991–ին, հնարավոր չէր պահել։

Գլորելով 2022–ը և դիմավորելով 2023–ը

31.12.2022 ● 17:24

Ինչու է Նիկոլ Փաշինյանը նոր պատերազմ բերում Հայաստանի գլխին և որն է նրա մոտիվացիան

22.10.2022 ● 15:36

Հայաստանը չի կարող գերի դառնալ մեկ մարդու վախերին, ավանտյուրիզմին, հաշվարկներին, շահերին։

Նիկոլը՝ Ալիևից ավելի Իլհամ

25.05.2022 ● 18:40

Հանուն սեփական աթոռի ու կաշվի փրկության՝ Նիկոլն այնպիսի հայտարարություններ է անում ու քայլեր իրականացնում, որ ամեն օր ավելացնում է սեփական հանցանքներն ու քրեական հոդվածները։

Ո՞րն է Հայաստանի առաքելությունը և գոյության իմաստը. Նիկոլը գերազանցեց ուսուցչին

14.04.2022 ● 12:18

Այն ինչ չհաջողվեց անել Լևոն Տեր-Պետրոսյանին, անում է Նիկոլը: Պատերազմը, պարտությունն ու հսկայական զոհերն օգնում են նրան՝ թուրք-ադրբեջանական օրակարգն առաջ տանելու հարցում:

Ինչ ակնկալել ընդդիմությունից և հասարակությունից

02.04.2022 ● 14:27

Ապրիլի 5–ը նաև քաղաքական «ջերմաչափման» օր է լինելու։ Հետագա քայլերը նաև «ջերմաչափի» ցուցիչից է կախված։ Ամեն ինչ պետք է անել, որպեսզի քաղաքական ջերմաչափը լինի անհրաժեշտ մակարդակի վրա։