ԱԺ ՀՅ Դաշնակցություն խմբակցության անդամ Ռուզան Առաքելյանը խորհրդարանական հարցուպատասխանի ընթացքում «Մոսկվա» կինոթատրոնի ամառային դահլիճի վերաբերյալ հարց է ուղղել ՀՀ կառավարությանը.

-Արդյոք հնարավոր չէ՞ր ավելի հարմար տեղ առաջարկել եկեղեցու համար։ Մի տեսակ հակասություն կա կառավարության գործելակերպի և սկզբունքների միջև։ Եթե սկզբունքորեն կառավարությունն իր պաշտպանության տակ է առնում պետության համար կարևոր մշակութային կոթողները, ի՞նչ տրամաբանությամբ ինքը կարող է օտարել այդ նույն պաշտպանվածության տակ առած օջախները։

Պատգամավորի հարցին պատասխանել է ՀՀ վարչապետ Տիգրան Սարգսյանը՝ ասելով, թե բոլոր ուսումնասիրությունները և կոնսուլտացիաները ցույց են տալիս, որ «Մոսկվա» կինոթատրոնի ամառային դահլիճը ճարտարապետական արժեք է, ոչ թե պատմամշակութային.

-Կառավարությունն ընդամենն այդ որոշումն է կայացրել և պատմամշակութային արժեքների ցանկից այն հանել է։

Վարչապետն ասել է, թե իր համար անընդունելի են միակողմանի մեկնաբանություններն այդ հարցի կարգավորման վերաբերյալ։

7or.am