88-ի շարժման արդունքում ձևավորված և իներցիայի շնորհիվ պահպանված Հայաստանի քաղաքական դաշտը մահացավ 2017-ի ապրիլի 2-ին տեղի ունեցած խորհրդարանական ընտրությունների արդյունքում:

Հիմա դատարկություն է: Գլխավոր կարգախոս է դարձել «Մի՛ քաղաքականացրեք քաղաքականությունը»:

Այս ապաքաղաքական ու ապագաղափարական միջավայրի ընդերքում հասունանում է նոր տիպի պայքար ու հենց այդ պայքարի ելքից է կախված լինելու, թե ինչպիսին կդառնա Հայաստանի նոր քաղաքական դաշտը, որտեղ կլինի Հայաստանը կամ կլինի՞ արդյոք:

Մեզանում հիմա քաղաքական կռիվը ոչ թե սոցիալիստ-լիբերալ, արևմտամետ-ռուսամետ, պահպանողական-գլոբալիստ հարթության վրա է (այդ հարթության մեջ, ի դեպ, լիքը կեղծ օրակարգեր կան, իսկ «մետությունն» էլ իր էությամբ հակապետական է), այլ արժեքային:

Սպասվում է տեսակային պատերազմ, բարքերի պատերազմ, մտածողությունների պատերազմ, արժեհամակարգերի պատերազմ:

Առայժմ, այսպես ասած, գույքագրման փուլ է: Տեղի է ունենում թիմերի բյուրեղացում: Հետո կսկսվի բուն գործընթացը:

7or.am