Թուրքիայի Հանրապետական ժողովրդական կուսակցության պատգամավոր Շոքրի Ալեքդագը խորհրդարանի ամբիոնից հայտարարել է, որ Թուրքիայում 90 ատոմային ռումբ կա։

Նա նշել է, որ սառը պատերազմի ժամանակ նախկին ԽՍՀՄ-ից պաշտպանելու պատրվակով ԱՄՆ-ը Թուրքիայում տեղադրել է Б 61 մոդելի 90 ատոմային ռումբ։ Միևնույն ժամանակ, Ալեքդագը բացատրություն է պահանջել արտգործնախարար Դավութողլուից։ Պատգամավորը հիշեցրել է, որ Վիկիլիքսի կայքում հիշատակվում էր Գերմանիայում ԱՄՆ դեսպանի 2009 թ-ի նոյեմբերի 12-ի գաղտնի զեկույցը։ Ըստ փաստաթղթի՝  հաստատվում է Թուրքիայում ատոմային ռումբերի առկայությունը։

Խորհրդարանականը նաև հայտարարեց, որ ԱՄՆ Պետդեպարտամենտի տեղակալ Ֆիլիպ Գորդոնը հայտնել է այդ ռումբերի առկայության մասին։