Վերջերս մամուլում և սոցիալական ցանցերում բավական շատ են շրջանառվում Հայաստանի Հանրապետական կուսակցության ներսում լարվածության և տարբեր թևերի առաջացման մասին լուրերը։ Մեկնաբանելով այդ հանգամանքը՝ ԱԺ ՀՀԿ խմբակցության ղեկավար Գալուստ Սահակյանը «7օր»-ին ասել է, թե դրանք հերթական սադրանքներն են։ «Նման բան չի էլ կարող լինել, որովհետև մեր կառույցը մի քիչ ուրիշ է։ Մեզանում նման բան չի կարող լինել, որովհետև ստեղծման օրից հիմնականում նման խնդիրներին չենք էլ անդրադարձել»,–ասել է նա։

«Պետք է անկեղծ խոստովանենք, որ Աստանայի գագաթնաժողովը ցույց է տվել ներկա պահին ԵԱՀԿ-ի ունեցած բոլոր թերությունները և էական որոշումներ կայացնելու գործում նրա որոշակի անկարողությունը: Այդ պատճառով մեր խնդիրն է ԵԱՀԿ-ն օժտել նոր ներուժով, նոր պարունակությամբ, միգուցե՝ հրաժարվել այն կարծրատիպերից, որոնք երբեմն օգտագործվում են այդ կազմակերպության աշխատանքում»,-հայտարարել է ՌԴ նախագահը։

Այսօր Ազգային ժողովում նախատեսվում է Լեզվի մասին և Հանրակրթության մասին օրենքներում փոփոխությունների նախագծի քննարկումը: Հիշեցնենք, որ այդ նախագիծը կանաչ լույս է վառում Հայաստանում օտարալեզու դպրոցների բացման համար: «Մենք դե՛մ ենք օտարալեզու դպրոցների վերաբացմանը» նախաձեռնությունը կոչ է անում անպայման մասնակցել բողոքի ցույցին, որը կսկսվի առավոտյան ժամը 10-ին Ազգային ժողովի Դեմիրճյան մուտքի մոտ: