ՀՀ ԳՆ սննդամթերքի անվտանգության պետական ծառայության անասնաբուժության տեսչության պետ Հովհաննես Մկրտչյանն այսօր հրավիրված ասուլիսում անդրադարձել է դաբաղի տարածմանը՝ ընդգծելով, որ հայաստանյան շուկայում դրանով հիվանդ կենդանիներից պատրաստված մսամթերք և կաթնամթերք չեն վաճառվում։

Նա հայտնել է, որ գրանցվել է դաբաղի մեկ դեպք, որով հիվանդ կենդանին ոչնչացվել է։

–Միաժամանակ, նշեմ, որ նույնիսկ ուտելու դեպքում ոչինչ չի սպառնում, քանի որ ջերմային մշակման են ենթարկում ամբողջ միսը: Միայն մանկահասակ երեխաների բերանում կարող են վերքեր առաջանալ, եթե հում կաթ խմեն,-ավելացրել է նա՝ ընդգծելով, որ բնակիչներն առանց վախենալու կարող են մսամթերք կամ կաթնամթերք գնել:

Հիշեցնենք, որ ՌԴ–ն արգելել էր Հայաստանից մի շարք գյուղմթերքների, այդ թվում՝ մսի, կաթնամթերքի ներմուծումը Ռուսաստան՝ դաբաղ հիվանդության պատճառով։

7or.am