ՀՀ կառավարությունն իր այսօրվա նիստում որոշել է, որ ՀՀ կենտրոնական բանկի և վերջինիս դուստր ընկերությունների 2014թ. ֆինանսական տարվա գործունեության արդյունքում առաջացած համախմբված շահույթը 31 մլրդ դրամ է, որի 80%-ն ուղղվել է ՀՀ կառավարության կողմից թողարկված և ՀՀ կենտրոնական բանկի կապիտալում ներդրված անտոկոս ցպահանջ գանձապետական հասարակ մուրհակի մարմանը:

ՀՀ ֆինանսների փոխնախարար Պավել Սաֆարյանը լրագրողների հետ զրույցում պարզաբանել է, որ 2014թ. ԿԲ-ում վնասը կազմել է 106 մլրդ դրամ, ինչը պակասեցվել է ստացված 31 մլրդ դրամ շահույթով:

Նա նշել է, որ ԿԲ-ի վնասը կուտակվել է 2000-ականների սկզբից: Սաֆարյանի խոսքով՝ ամեն տարի այդ վնասն իր առանձին մասնագիտական պատճառներն է ունեցել։ Իսկ թե ինչու է այդ վնասը փոխհատուցում Կառավարությունը, նա նշել է՝ ԿԲ-ի մասին օրենքով է այդպես ամրագրված։

Սաֆարյանը նաև հայտնել է, որ հարկային եկամուտների հավաքագրման մասով պետական բյուջեով նախանշվածից շեղումներ կլինեն։

–Ավելի քիչ կհավաքագրվեն հարկային եկամուտները,–նշել է նա։

7or.am