16.01.2026 ● 16:20
16.01.2026 ● 14:16
16.01.2026 ● 13:48
16.01.2026 ● 13:04
16.01.2026 ● 09:06
15.01.2026 ● 19:01
15.01.2026 ● 15:38
15.01.2026 ● 13:26
15.01.2026 ● 11:21
15.01.2026 ● 10:13
15.01.2026 ● 10:08
15.01.2026 ● 09:59
15.01.2026 ● 09:11
15.01.2026 ● 09:03
14.01.2026 ● 16:40
14.01.2026 ● 16:38
14.01.2026 ● 16:20
ՀՀ ՊՆ. «Ադրբեջանական ղեկավարությունը հերթական անգամ գնում է իրավիճակի սրման»
Դեկտեմբերի 17-ին՝ ժամը 21:30-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու վիրավորում է ստացել ՊԲ զինծառայող, 1992թ. ծնված Գոռ Վահանի Օհանյանը: Դեպքի մանրամասները պարզելու համար կատարվում է քննություն:
Դեկտեմբերի 18-ին ՊԲ հարավային, արևելյան, հյուսիսարևելյան և հյուսիսային ուղղություններով տեղակայված զորամասերի պահպանության վեց տեղամասերի մարտական հենակետերի ուղղությամբ հակառակորդը հերթական անգամ ձեռնարկել է դիվերսիոն գործողություններ:
Հայկական կողմի ակտիվ գործողությունների արդյունքում բոլոր վեց ուղղություններում հակառակորդի ձեռնարկած սադրիչ դիվերսիոն գործողությունները կանխվել են, նախահարձակ գործողությունները ճնշվել են:
Ցավոք, դիրքերից մեկում մահացու հրազենային վիրավորում են ստացել զինծառայողներ Աղասի Արսենի Գրիգորյանը և Ռուբեն Ռոբերտի Ալեքսանյանը:
ՀՀ պաշտպանության նախարարությունը խստագույնս դատապարտում է Հայաստանի և Ադրբեջանի նախագահների հանդիպումից առաջ ադրբեջանական կողմի ձեռնարկած հերթական դիվերսիոն գործողությունները, որով Ադրբեջանը արհամարհում է ԵԱՀԿ Մինսկի խմբի համանախագահների հակամարտության խաղաղ կարգավորմանը միտված ջանքերը:
Հստակ գիտակցելով, որ տվյալ գործողությունները անհետևանք չեն մնալու, ադրբեջանական ղեկավարությունը հերթական անգամ գնում է իրավիճակի սրման:
ՀՀ պաշտպանության նախարարությունը խորին ցավակցություն է հայտնում զոհվածների հարազատներին և կիսում է կորստյան ծանր վիշտը:
ՀՀ ՊՆ