ՀՀ կառավարության այսօրվա նիստում աշխատակազմի ղեկավար-նախարար Դավիթ Հարությունյանը հայտարարել է, որ հավանաբար 2016թ. փետրվար-մարտ ամիսներից գործադիրում կմշակվի ավիատոմսերի պատվերների կենտրոնացված համակարգ:

Մասնավորապես, առաջարկվում է, որ պետական գերատեսչությունների բոլոր աշխատակիցներն այցի մեկնեն էկոնոմ դասի չվերթներով, ընդ որում՝ գնվի ամենաէժան տոմսը, որը չի ենթադրում վերադարձ, ժամկետի փոփոխություն:

–Տոմսի կատեգորիան կարող է փոխվել հատուկ թույլտվության հիման վրա: Նախարարների համար ևս նախատեսվում է էկոնոմ դասի տոմս՝ բացառությամբ այն դեպքերի, երբ թռիչքի տևողությունը 8 ժամից ավելի է: Իսկ անվտանգության խորհրդի անդամների համար նախատեսվում է բիզնես դասի տոմս,–ասել է Դ. Հարությունյանը:

Նա նաև հավելել է, որ այն պաշտոնյաները, որոնց համար պետբյուջեից նախատեսված է էկոնոմ դասի չվերթի իրականացումը, կարող են սեփական միջոցների հաշվին վճարել թանկարժեք ավիատոմսերի համար:

7or.am