-Ես կարծում եմ, որ հատակապես վերջին ժամանակներում այս գործընթացն աշխուժացել է։ Միայն այս տարի նախագահների 6 հանդիպում է տեղի ունեցել։ Դա խոսում է այն մասին, որ Ադրբեջանի և Հայաստանի նախագահաները նպատակակային ցանկություն ունեն հասնելու շատ դժվար խնդրի կարգավորմանը։ Այդ գործընթացը կա, և դա ամենակարևորն է,-պատասխանելով «7օր»-ի՝ «Ինչպե՞ս եք գնահատում ղարաբաղյան հակամարտության կարգավորման ներկայիս փուլը» հարցին՝ ասել է ՀԱՊԿ գլխավոր քարտուղար Նիկոլայ Բորդյուժան։

Այն հարցին, թե ինչպե՞ս է վերաբերվում Ադրբեջանի նախագահ Իլհամ Ալիևի ռազմատենչ հայտարարաություններին, նա պատասխանել է, թե շատ բացասական։

-Ինչպե՞ս ես կարող եմ վերաբերվել մի հայտարարաության, որում խոսվում է պատերազմի սկսման հնարավորության մասին։ Իհարկե՝ բացասաբար։ Ես ժամանակին զինվորական եմ եղել, ներկա եմ եղել մարտերի թեժ կետերում և տեսել եմ այդ արյունը։ Ես գիտեմ, թե ինչ է լինում պատերազմի ժամանակ։ Ես հույս ունեմ, որ այս հայտարարությունը ոչ այլ ինչ է, եթե ոչ ուղղակի Հայաստանի հետ համաձայնության  գալու խթանմանը միտված հայտարարություն։ Ես կտրուկ դեմ եմ և բացասաբար եմ վերաբերվում ցանկացած հայատարարության, որը միտված է որևէ  քաղաքական հակամարտությունը ռազմական  ճնանապարհով լուծելուն,-ասել է Նիկոլայ Բորդյուժան։

7or.am