Այս օրերին ՀՀ Ազգային ժողովի նախագահ Հովիկ Աբրահամյանը Մոկվայում է՝ մասնակցելու Սևծովյան տնտեսական համագործակցության խորհրդարանական վեհաժողովի աշխատանքներին։

Հնարավոր է, որ այդ շրջանակներում նա նաև երկկողմ հանդիպումներ ունենա։ Այս մասին «7օր»-ին փոխանցել է ՀՀ ԱԺ նախագահի մամուլի խոսնակ Նաիրի Պետորսյանը՝ հավելելով.

-Թուրքիայի խորհրդարանի խոսնակի հետ հանդիպում ունենալու վերաբերյալ նախնական քննարկումներ եղել են։

Նշենք, սակայն, որ թուրքական ԶԼՄ-ների փոխանցմամբ՝ Ռուսաստանում գտնվող Թուրքիայի ազգային մեծ ժողովի նախագահ Մեհմեդ Ալի Շահինը հայտարարել է, որ բացի Ռուսաստանի Պետդումայի նախագահ Բորիս Գրիզլովի հետ հանդիպումից, չի բացառվում նաև Ադրբեջանի և Հայաստանի խորհրդարանների խոսնակների հետ հանդիպումը։

Հովիկ Աբրահամյանի մամուլի խոսնակն այս կապակցությամբ «7օր»-ին ասել է, որ Հայաստան-Թուրքիա-Ադրբեջան եռակողմ հանդիպում անցկացնելու մասին նախնական քննարկումներ չեն եղել, իսկ Հայաստանի և Ադրբեջանի խոսնակների հանդիպման հնարավորության մասին տեղեկություն չունի։

7or.am