Թուրքիայի՝ «Իսլամական պետության» զինյալների հետ նավթի առևտրով զբաղվելու մասին տվյալները կներկայացվեն ՄԱԿ–ին։ Այս մասին, «Россия 24»–ի փոխանցմամբ, Բելգրադում ասել է ՌԴ ԱԳՆ ղեկավար Սերգեյ Լավրովը՝ ամփոփելով Սերբիայի ԱԳՆ առաջնորդ Իբիցա Դաչիչի հետ իր բանակցությունները։

Լավրովը շեշտել է՝ ՌԴ–ն քանիցս բարձրաձայնել է Սիրիայում և Իրաքում ահաբեկիչների վերահսկողության տակ գտնվող նավթահանքերից Թուրքիա մատակարարվող նավթի մասին։ Նախարարը խոստացել է, որ բոլոր ապացույցները կտրամադրվեն հետաքրքրված կողմերին։

Արտգործնախարարը նաև հայտարարել է թուրք–սիրիական սահմանի փակման անհրաժեշտության մասին՝ նավթի ապօրինի բիզնեսը կանխելու համար։

«Հարկավոր է ոչ թե երկարատև հետաքննություն սկսել, այլ ընդամենը մեկ քայլ անել»,–ընդգծել է Լավրովը։

Հիշեցնենք՝ ՌԴ ՊՆ փոխնախարար Անատոլի Անտոնովը հայտարարել էր, որ հանցավոր այդ բիզնեսին ներգրավված է Թուրքիայի նախագահ Էրդողանի ընտանիքը։

7or.am