ՀՅԴ Արցախի կազմակերպության 16-րդ Շրջանային   ժողովի հայտարարությունը

ՀՅԴ Արցախի կազմկերպության 16-րդ Շրջանային ժողովը քննարկելով հայ-թուրքական հարաբերությունների ներկա գործընթացը և հեռանկարները, արձանագրում է.

Հայ-թուրքական հարաբերություննների ներկա զարգացումները հակասում են Հայաստանի Հանրապետության, Լեռնային Ղարաբաղի Հանրապետության և աշխարհասփյուռ հայության շահերին: Ստորագրված արձանագրություններում պարունակող ստորացուցիչ և վտանգավոր նախապայամանները, ինչպես նաև Թուրքիայի կառավարող շրջանակների կողմից մշտապես հնչեցվող նոր հայտարարությունները վկայում են, որ այդ երկրի նպատակը Հայաստանն ու հայությանը թուլացնելն ու նոր զիջումներ պարտադրելն է: Ակնհայտ է նաև, որ փորձ է կատարվում պառակտել Հայաստան-Արցախ-Սփյուռք միասնական ճակատը:

Մյուս կողմից, այսպես կոչված, մադրիդյան սկզբունքների շուրջ նկատվող աշխուժացումը վկայում է Արցախի հիմնախնդրում հայկական կողմի վրա ուժգնացող ճնշումների մասին: Սակայն, ոչ մի պարտադրանք, կամ ռազմատենչ սպառնալիք չեն կարող ստիպել հայությանը հետ կանգնել ազգային շահերից:

Մենք շեշտում ենք, որ Հայ Դատի պայքարը' իր ողջ բովանդակությամբ, ոչ թե   հայ ժողովրդի առանձին հատվածների պայքար է, այլ պայքար է' անկախ պետականության ճակատագրի ու ողջ հայ ժողովրդի լինելիության համար: Համայն հայության ջանքերով արցախյան ճակատում ձեռք բերված արժանապատիվ հաղթանակը սակարկության առարկա չէ:

ՀՅԴ Արցախի կառույցը այսուհետ ևս վճռականորեն կպայքարի համայն հայության իրավունքների համար:

ՀՅԴ Արցախի կազմակերպության  16-րդ Շրջանային ժողով