Նոյեմբերի 22-ին Մյունխենում կայանալիք հանդիպումից առաջ Ադրբեջանի նախագահ Իլհամ Ալիևը հանդես է եկել հայտարարությամբ։ Ներկայացնում ենք մեկ հատված այդ հայտարարությունից։

«1918 թ. Երևանը «նվիրվել է» Հայաստանին։ Այդ ժամանակվանից չի անցել և 100 տարի, և մեր առջև նոր հավակնություններ են դրվում։

Ադրբեջանական հողի վրա ստեղծվել է հայկական մեկ պետություն։ Իսկ հիմա ցանկանում են երկրորդը ստեղծել։ Սա որևէ տրամաբանության չի ենթարկվում. ադրբեջանական ազգը, ադրբեջանական պետությունը դրա հետ երբեք չի համաձայնի։ Դա ասում ենք և՛ մենք, և՛ միջազգային հանրությունը։ Առանց մեր համաձայնության Լեռնային Ղարաբաղը չի կարող անկախ լինել։ Եվ մենք երբեք այդ համաձայնությունը չենք տա։  Դրա համար Հայաստանը բանակցություններում պետք է լուրջ քայլեր ձեռնարկի։ Նրա՛նք պետք է քայլեր ձեռնարկեն, ոչ թե մենք։ Մենք ի՞նչ պետք է զիջենք։ Մենք ի՞նչ ենք զավթել, որ զիջենք։ Մենք ո՛չ մի զիջման չենք գնա։  Մեր զիջումը հարցի լուծումն է խաղաղ ճանապարհով, ահա և վերջ»,-ասել է Իլհամ Ալիևը։