«Աքիլլես» ավտովարորդների իրավունքների պաշտպանության ՀԿ ղեկավար Էդուարդ Հովհաննիսյանն այսօր հրավիրված ասուլիսում անդրադարձել է Տուլայում տեղի ունեցած հայկական ավտոբուսի վթարին և ընդգծել, որ մինչ օրս միջազգային փոխադրումների մասին համապատասխան օրենսդրություն Հայաստանում չկա:

–Ի՞նչ է՝ անպայման զոհե՞ր պետք է լինեին, որ օրենսդրական դաշտի հարցը կարևորվեր,-ասել է նա:

Իսկ միջազգային ուղևորափոխադրումներ իրականացնող տրանսպորտային միջոցների տեխզննությունը, նրա խոսքով, ձևական թղթաբանություն է իրականում.

–Թղթերով, իբր, տեխնիկական զննությունն անցել են, բայց իրականում անցած չեն լինում: Վարորդը գումարը վճարում է, ձևական թուղթ են տալիս, իսկ եթե դա չի փակցնում դիմապակուն, 20.000 դրամով տուգանում են։ Դա արվում է ոչ թե տեխզննում անցկացնելու, այլ ուղղակի գումար հավաքելու համար:

Նաև հավելել է, որ վարորդներից շատերը երթևեկության կանոններին պատճաշ կերպով չեն տիրապետում։ Խնդիր է նաև այն, որ քիչ են քնում, աշխատում են չափից ավելի, ինչը կարող է վթարների հանգեցնել։

7or.am