Մեկնաբանելով ԼՂՀ վարչապետ Արա Հարությունյանի խոսքերը, թե Ստեփանակերտը պաշտոնապես չի ստացել մադրիդյան սկզբունքները, հետևաբար չի ճանաչում դրանք՝ ԱԳՆ արտգործնախարար Էդվարդ Նալբանդյանը նշել է.

-Եթե Ղարաբաղի վարչապետը հայտարարել է, որ փաստաթուղթն իրենց չի ներկայացվել, ուրեմն պետք է հավատալ դրան, և այդպես էլ կա։ Հայաստանը Ղարաբաղին ցույց է տվել մադրիդյան սկզբունքները, թե ոչ, մի հարց է, սակայն այլ հարց է, որ ղարաբաղյան իշխանություններին պաշտոնապես կարող էին ցույց տալ ՄԽ համանախագահները։ Այդպես պետք է մոտենալ այս հարցին։

Է.Նալբանդյանը ևս մեկ անգամ կրկնել է, որ բանակցություններում այսօր փախստականների վերադարձի հարցը չի քննարկվում։ Այդպիսի հարցը կարող է քննարկվել միայն ղարաբաղյան հակամարտության վերջնական կարգավորումից հետո, երբ կլինեն անվտանգության համապատասխան երաշխիքներ և ավելի լայն ենթատեքստով՝ նկատի ունենալով նաև 400 հազ հայ փախստականների վերադարձը։

Անդրադառնալով Աթենքում կայանալիք Ադրբեջանի և Հայաստանի արտգործնախարարների հանդիպմանը՝ Է. Նալբանդյանը նշել է, որ դա գործնական հանդիպում է, որոնք եղել են նաև նախկինում, և չի բացառվում, որ ներկայում ևս կլինեն, սակայն հստակ պայմանավորվածություն այդ հարցի վերաբերյալ դեռ չկա։

7or.am