Խորհրդարանն՝ առանց պատգամավորների՞

● Մեկնաբանություն

04.11.2015 ● 14:04

Խորհրդարանն՝ առանց պատգամավորների՞

Դատելով սահմանադրական փոփոխությունների նախագծի տեքստից և Բ26-ի՝ քաղաքական դաշտում իրականացվող գործողություններից՝ եթե հանրաքվեի տոկոսները «խփվեն», ապա հաջորդ խորհրդարանում պատգամավորներ չեն լինելու։

Կլինեն կույր, խուլ ու համր էակներ, որոնց մի մասի անունը կդնեն «խորհրդարանական կայուն մեծամասնություն», իսկ մյուս մասինը՝ «խորհրդարանական կայուն հաճախորդներ»։ Վերջիններիս փաղաքշաբար «ընդդիմություն» կկոչեն։

Եթե քաղաքական ներկայիս կոնյունկտուրան պահպանվի, և նոր դասավորվածություն չստեղծվի, ապա հենց այդպես էլ կլինի։ Իսկ դա նշանակում է, որ մեզանում կձևավորվի ոչ թե միակուսակցական, այլ միանձնյա իշխանություն։ Միակուսակցականը հենց միանձնյան է, որ կա։

Իսկ այն, որ հենց սա է Սերժ Սարգսյանի ծրագիրը, երևում է նրա քայլերից։ Ֆոտոսեսիայի ենթարկելով գրեթե ողջ քաղաքական դաշտն ու հաճախորդացնելով՝ ում պատահի՝ նա ամայի տիրույթ է սարքում։ Իսկ ամայի տիրույթում մարդիկ չեն լինում. լինում են դիակներ։ Տվյալ դեպքում՝ քաղաքական դիակներ։

Ովքեր որ համաձայն չեն այս սցենարին, պետք է քաղաքական գործընթացների սեփական սցենարն առաջարկեն հանրությանը։

Այդ սցենարը պետք է ներառի փոփոխությունների պատրաստ թիմի առկայությունը, առաջարկվող ծրագրերը և փոփոխություններին հասնելու ռեսուրսները։ Մնացածը դատարկ զրույցներ են։

Կա՞ այդպիսի սուբյեկտ Հայաստանում, որը գործող իշխանությանը ձեռնոց կնետի՝ կոնտրէլիտա և կոնտրծրագիր առաջ քաշելով, կերևա շատ շուտով։

Գևորգ Գևորգյան

● Այս խորագրի վերջին նյութերը

Հետընտրական կեղծիք, դավաճանություն և դասալքություն Գյումրիում

30.10.2024 ● 13:37

Բալասանյանենք դասալքություն են արել։ Փախել են, համ էլ՝ փախած տեղից իրենց վերջին վնասներն են ուզում տալ Գյումրիին։ Գյումրիի ու գյումրեցու հաշվին հարստացան, հիմա էլ «զդաչին» են տալիս։

Ովքեր են քաղաքային տրանսպորտի թանկացման հեղինակները և ով է անբարոյականի վաստակը

28.10.2024 ● 14:21

Մայրաքաղաքի բնակիչները և հյուրերը պետք է ճանաչեն իրենց գրպանը մտնողներին։ Դրանք են՝ Նիկոլ Փաշինյանը, Տիգրան Ավինյանը, Սուրեն Գրիգորյանը (սա լեզվանի փոխքաղաքապետն է), Արամ Զավենովնան և Վահան Ավագյանը։

«Ուրախ» ավտոբուս

20.10.2024 ● 16:04

Քաղաքացիները պետք է հակառակ նվերն անեն «Գազելի» ֆոնին էժանագին փիառ անող Տիգրան Ավինյանին՝ ստիպելով հրաժարական տալ ու գնալ արտահերթ ընտրությունների։

Ո՞րն է ՔՊԿ-ի հայրենիքը

20.10.2024 ● 14:04

Երբ Նիկոլը հակառուսական հիստերիա է բարձրացնում, Ալենը դառնում է ամենահիստերիկը։ Երբ Նիկոլը պրոթուրքական ու պրոադրբեջանական «բաղնիքի» է վերածում Հայաստանը, Ալենը դառնում է այդ բաղնիքի քարոզչական քիսաչին։

Պայքար թալանի իրավունքի համար․ Փաշինյանը՝ Քյարամյանի ու Աղազարյանի արանքում

16.10.2024 ● 23:10

ԱԺ–ում Արգիշտի Քյարամյանի և Հովիկ Աղազարյանի լեզվակռիվը չէր։ ԱԺ–ում «գաղափարական» բախում էր տեղի ունենում՝ տխրահռչակ Անդրանիկ Քոչարյանի ստվերային ու մուտիլովկայական ազդեցությամբ։ Սա «Գրիշիկ» օպերացիայի երկրորդ սերիան էր։