ՀՀ կառավարությունն այսօրվա նիստում որոշել է մի շարք մարզերում համայնքի ղեկավարի ընտրություններ անցկացնել դեկտեմբերի 6-ին:

ՏԿԱԻ նախարար Արմեն Երիցյանը հայտնել է, որ ընտրություններ տեղի կունենան Արագածոտնի մարզի Սարալանջ, Զարինջա, Կոշ, Հակո, Արմավիրի մարզի Շահումյան, Արագած, Արշալույս, Ալաշկերտ, Ֆերիկ, Դալարիկ, Նորապատ, Գեղարքունիքի մարզի Արեգունի, Գեղամաբակ, Զովաբեր գյուղական համայնքներում։

Դդմաշեն, Նորաբակ գյուղական համայնքներում ավագանու անդամների կընտրեն, Լոռու մարզի Չկալովում, Արծնիում գյուղական համայնքի ղեկավարի և ավագանու անդամների, Շիրակի մարզի Շիրակում, Գառնառիճում, Վահրամաբերդում, Բասենում, Արևիկում, Գեղանիստում, Պեմզաշենում, Տուֆաշենում գյուղական համայնքների ղեկավարների, Նահապետավանում գյուղական համայնքի ղեկավարի և ավագանու անդամների, Անուշավանում գյուղական համայնքի ավագանու անդամների, Սյունիքի մարզի Աշոտավանում, Վաղատուրում, Չափնիում գյուղական համայնքների ղեկավարների, Նժդեհում, Ալվանքում գյուղական համայնքների ավագանիների անդամների։

Այդ ընտրությունների անցկացման համար կառավարությունը ԿԸՀ-ին հատկացրել է 65 միլիոն 754 հազար դրամ, ոստիկանությանը՝ 1 միլիոն 389 հազար դրամ:

Հիշեցնենք, որ դեկտեմբերի 6-ին է նշանակված նաև սահմանադրական փոփոխությունների հանրաքվեն:

7or.am