Ռուսաստանի նախագահ Դմիտրի Մեդվեդևը Ռուսաստան-ԵՄ հիմնարար պայմանագրի շուտափույթ կնքման հույս ունի։ Նրա խոսքերով՝ Ռուսաստանն ու ԵՄ-ն շատ խնդիրներում լավ են հասկանում միմյանց, սակայն որոշ հարցերում, ինչպիսին օրինակ իրավիճակն է Անդրկովկասում, նրանց մոտեցումները տարբերվում են։

Անդրկովկասին վերաբերող հարցերում Ռուսաստանի և ԵՄ-ի դիրքորոշումները չեն համընկնում, սակայն դա չպետք է իրավիճակը դրամատիկականացնելու առիթ դառնա։ Ստոկհոլմում Ռուսաստան-ԵՄ գագաթաժողովից հետո տեղի ունեցած ասուլիսում նման հայտարարություն է արել Դմիտրի Մեդվեդևը։

-Պետք է մերձեցնել դիրքորոշումները, պետք է ուղիներ փնտրել Անդրկովկասում ստեղծված բավական բարդ իրավիճակը կայունացնելու համար,-նշել է նա։-Մասնավորապես մենք քննարկել ենք Հայաստանի և Ադրբեջանի միջև ընթացող Ղարաբաղյան հակամարտության կարգավորման գործընթացը։ Այնտեղ դրական տեղաշարժ կա։ Դա հենց օրինակ է, թե ինչպես մենք կարող ենք կամ կարող էինք համագործակցել, եթե անցած տարի տեղի չունենար հայտնի ագրեսիան,- հիշեցրել է Ռուսաստանի նախագահը։

Ըստ «Ռեգնում»-ի