Համաշխարհային բանկի տնօրենների խորհուրդը նախօրեին որոշել է 21 մլն դոլարի փոխառություն տրամադրել Հայաստանին։ Դրա նպատակը էլեկտրոնային կառավարման համակարգի զարգացումն է:

Ինչպես նշում է ՀԲ-ի մամուլի ծառայությունը, այդ փոխառությունը կօգնի Հայաստանի կառավարությանը բարձրացնել ֆինանսական հաշվետվության որակը և կատարելագործել մի շարք ծառայություններից օգտվելը։

Ֆինանսավորումն ուղղվելու է Երևանում տրանսպորտային սպասարկման, հյուպատոսական ծառայությունների մատուցման համակարգի արդյունավետության և որակի բարձրացմանը։ Նշվում է, որ դա թույլ կտա դյուրացնել այցագրերի տրամադրման գործընթացը, պարզեցնել ՀՀ ֆինասների նախարարության կողմից թույլատրագրերի տրամադրման ընթացակարգը:

ՀԲ–ն այս փոխառությունը տրամադրում է արտոնյալ պայմաններով՝ վճարումների 14,5 տարվա հետաձգմամբ, 25 տարի ժամկետով:

1992թ. ի վեր՝ Հայաստանը տարբեր նախագծերի իրագործման համար ՀԲ–ից ստացել է շուրջ 2,179 մլրդ դոլար:

7or.am