Առանց այն էլ ձեր խելքի պուտուկը դատարկ է, ուրեմն պետք չէ այն ի ցույց դնել:

Հայկական շոՎու-բիզի «աստղերը» խելագարության շեմին են.

–մեկն ասում է` աշխատավարձիս կրկնապատիկը կտամ սահմանամերձ գյուղերին,

–մյուսն ասում է` կյա՛նքս կտամ,

–երրորդը թոքերն է աճուրդի հանել,

–չորրորդը` սիրտն ու փայծաղը,

–հինգերորդը մազերի ժելեն է ծախում,

–վեցերորդը խոստանում է այլեւս վաո՜ւ չգոռալ,

–յոթերորդը երդվում է, որ այսուհետ առանց դուդուկի «արանժիրովկա» չի անի,

–ութերորդը պարտավորվում է գյուղացու էրեխու համար կոշիկ առնել,

–իններորդը` գյուղացու խանութի պարտքերը փակել,

–տասներորդը հայտարարում է, որ յայլուղը կկապի ու կգնա գյուղացու հետ թութուն շարելու,

–տանմեկերորդը կուրծքը ծեծելով վազում է սահմանամերձ գյուղ, որ գիշերով խաղողի բերքահավաքին մասնակցի,

–տասներկուերորդը մխիթարում է վարկերի տակ մնացած գյուղացուն,

–տասներեքերորդը ռազմահայրենասիրական ոգով հավատացնում է գյուղացուն, որ հողն ու հայրենիքը լքելը լավ բան չի,

–տասնչորսերորդը խոստանում է բարձրացնել մարդկանց եւ անասունների ծնելիության մակարդակը,

–տասնհինգերոդը` կազմակերպել գյուղերում մնացած պառավների եւ բիձեքի ժամանցը,

–տանվեցերորդը պնդում է, որ կկասեցնի խոպանչիների արտահոսքը,

–տասնյոթերորդը խիզախորեն նետվում է թոնիրը ու հառնում որպես փյունիկ` գյուղացուն ցույց տալով, որ մենք կանք, պիտի լինենք ու դեռ շատանանք,

–տասնութերորդը շտապում է քուրսի նստել ու ողջ ձմեռն անցկացնել գյուղացու կողքին, տասնիններորդը թրիք է շարում ու աշնանացանի է մասնակցում,

–քսաներորդն արդեն տրակտորով սերմացու է կրում…

Ու էս ողջ պալատական «գլամուռը» հպարտորեն երգում է Սերժ Սարգսյանի եւ ՀՀԿ-ի նախընտրական քարոզարշավների ժամանակ...

Վաղն էլ «այո» է երգելու, որ սահմանամերձ համայնքներն էլի մի տասնամյակ մնան նույն դժոխքի մեջ:

Խե՜ղճ սահմանամերձ, հանկարծ չլինի այնպես, որ քեզ էլ «աստղայինը տանի»:

Ուշադի՛ր եղիր, քեզ սահմանահերձության են տանում:

Կիմա Եղիազարյան