18.01.2026 ● 11:22
18.01.2026 ● 10:16
17.01.2026 ● 19:07
17.01.2026 ● 16:02
16.01.2026 ● 16:20
16.01.2026 ● 14:16
16.01.2026 ● 13:48
16.01.2026 ● 13:04
16.01.2026 ● 09:06
15.01.2026 ● 19:01
15.01.2026 ● 15:38
15.01.2026 ● 13:26
15.01.2026 ● 11:21
Դովեղում փամփուշտը բնակարանի պատուհանից ներս է մտել
Երեկ Տավուշի մարզի գնդակոծված երեք գյուղերում՝ Բերդավանում, Բարեկամավանում և Դովեղում, այժմ վիճակը հարաբերական խաղաղ է։
«Հիմա նորմալ է, բնակչության մոտ լարվածություն չկա»,-«Ա1+»-ի հետ զրույցում նշեց Բերդավանի գյուղապետ Արարատ Գաբրիելյանը։ Նա հայտնեց, որ կրակոցները սկսվել են մոտ ժամը 17.30-ից և շարունակվել մինչև գիշերը 01.00-ն։
«Տարբեր տրամաչափի զենքերով պարբերաբար կրակել են։ Վնասները միայն նյութական են. վնասվել է մեկ տան տանիք։ Այժմ մանկապարտեզը, դպրոցը բնականոն աշխատում են, արտառոց բան չկա»։
Բարեկամավանի գյուղապետ Գագիկ Աբազյանը չցանկացավ հեռախոսով շատ տեղեկություններ հայտնել։ Կարճ զրույցի ընթացքում նա նշեց. «Վիճակը խաղաղ է, լարվածություն չկա»։
Այստեղ ևս նյութական վնասներ կան, որոնք, գյուղապետի խոսքով՝ մեծ չեն։
Դովեղի գյուղապետի հեռախոսահամարն անհասանելի էր։ Գյուղապետարանի աշխատակազմի քարտուղար Մանիշակ Բեջանյանը նշեց. «Փամփուշտները տներին են կպել, տանիքներն են վնասվել, անգամ մեկի բնակարանի պատուհանից է ներս մտել»։
Մանրամասները՝ «Ա1+»–ում։