ՀՀ կառավարությունը «Նաիրիտ» գործարանի վերաբերյալ վերջնական որոշում չունի: Այս մասին ԱԺ-Կառավարություն հարցուպատասխանի ժամանակ այսօր հայտարարել է էներգետիկայի և բնական պաշարների նախարար Երվանդ Զախարյանը։

Միաժամանակ, նա հայտնել է, որ «Նաիրիտ»–ի վերագործարկման համար շուրջ 300 մլն ԱՄՆ դոլար է պահանջվում, ինչը Կառավարությունը չի կարող ներդնել:

Զախարյանը նաև նշել է, որ Համաշխարհային բանկի մասնագետների կատարած ուսումնասիրությունների արդյունքում գործարանի վերագործարկումն աննպատակահարմար է համարվել:

Իսկ 60 մլն դոլարով վերագործարկելու ծրագիրը, որը ներկայացվել է «Նաիրիտ»–ի մասնագետների կողմից, ըստ ՀՀ կառավարության՝ իրատեսական չէ։

–Աշխարհում անցած 2–3 տարիներին շատ բան է փոխվել, այդ թվում` կաուչուկի պահանջարկի հարցում,–ասել է նա՝ հավելելով, որ ՀՀ կառավարության համար ձեռնտու չէ գործարանի չաշխատելը, որովհետև պահպանության ծախսերի վրա հսկայական գումարներ են ծախսվում:

7or.am