-Այս արձանագրությունների վավերացումը Թուրքիայի հանրապետության համար կենսական նշանակություն ունի,-«7օր»-ի հետ զրույցում մեկնաբանելով հայ-թուրքական հարաբերությունների ներկա գործընթացը՝ ասել է ԱԺ Հանրապետական խմբակցության պատգամավոր Հերմինե Նաղդալյանը։ -Խնդիրը միայն այն չէ, որ իրենք մեր սահմանը փակել են, իսկ իրենց սահմանը բաց է։

Պատգամավորի խոսքերով՝ խնդիրը նաև այն է, որ Թուրքիան ունի իր պետական շահերը, իսկ այդ շահերից բխում է նաև հարաբերությունների կարգավորումը։

-Այսօր միջազգային հանրությունը  Թուրքիայից բավական լուրջ սպասելիքներ ունի հարևանների հետ հարաբերությունների կարգավորման ուղղությամբ։ Այնպես որ, Թուրքիայի խորհրդարանը պետք է ղեկավարվի նման շահերով,-նշել է Հ. Նաղդալյանը։

7or.am