Այսօր ԱԳՆ-ում մեկնարկեցին ՀՀ արտգործնախարարի տիկնոջ՝ Նատալյա Նալբանդյանի գլխավորած «Բարի գալուստ Հայաստան» ասոցիացիայի կազմակերպած հայերեն լեզվի դասընթացները օտարերկրյա դիվանագետների եւ նրանց ընտանիքների համար:

Առաջին դասընթացին ներկա էին երկու տասնյակից ավելի դիվանագետներ եւ նրանց ընտանիքների անդամներ: 

Հայերեն լեզվի դասընթացները Հայաստանում ապրող օտարերկրացիների համար նաեւ լավ հնարավորություն են առավել մոտիկից ծանոթանալու հայ ժողովրդի պատմությանը, մշակույթին եւ ավանդույթներին:

Այս տարվա սեպտեմբերին հիմնադրված ասոցիացիան շահույթ չհետապնդող կազմակերպություն է, որի նպատակն է դյուրացնել արտասահմանցի դիվանագետների եւ նրանց ընտանիքների ինտեգրումը հայաստանյան կյանք: